(RAEOA) Mudansa – Autoridade Rejiaun Administrativu Espesiál Oekusi Ambenu (RAEOA) liu husi Sekretáriu Rejionál Komersiu no Industria (SRCI) hamutuk ho Instituto de Apoio ao Desenvolvimento Empresarial (IADE) RAEOA realiza formasaun jogu Fila Liman ba Grupo Cooperativa Bi-Oni Tumin.
Atividade formasaun Jogu Fila Liman (JFL) ne’e oinsa atu hatene rai no jere osan, iha neebe formadaun ne’e realiza iha Aldeia Tumin, suku Bobometo, sub-rejiaun Oesilo, RAEOA.
“Objetviu husi atividade ne’e atu hanorin jestór no membru grupo kooperativa sira bele hatene oinsa rai no jere osan iha koperativa nee rasik,” nia informa ba média Mudansa liu husi mensajen Whatsapp iha Kuarta, 16/08/2023.
Xefi Gabinete SRCI, Daniel Seco salienta, Autoridade RAEOA iha papel importante atu hadi’a ekonomia família no sosiedade liu husi grupu industria no kooperativa sira iha RAEOA.
“Tanba ne’e, grupu kooperativa Bi-Oni Tumin Tenki aproveita oportunidade ne’e ho di’ak, nune’e bele jere kooperativa Bi-Oni Tumin susesu liu tan,” nia tenik.
Entretantu Koordenadór IADE RAEOA, Ermundo Perreira de Jesus argumenta, programa ida ne’e, hanesan programa kontinuasaun ne’ebé IADE kompremete iha tinan kotuk ba Grupo industria sira.
“Ita presiza agradese ba SRCI ne’ebé aprova programa ne’e hodi bele realiza iha Grupo kooperativa sira iha Oekusi inklui Grupo kooperativa Bi-Oni Tumin,” nia hakotu.
Jornalista : Mariano do Santos Abi
Editór : Orlando Magno
