(Dili) Mudansa – Empreza CEO Owner Of Mirtejes-F, Leonia Lemos hanesan joven feto ne’ebé nakonu ho hanoin inovativu hodi prodús produtu lokál ai-fuan maran Detox hodi ajuda komunidade sira bele kura moras oioin.
“Ita-nia komunidade sira infrenta moras oioin oinsá bele haree iha kolesteról, asanmurak, estruk no tensaun. Moras sira ne’e halai liu ba efeitu ba ita nia orgaun sira seluk, hanesan estruk, rins, pulmaun moras sira ne’e ita-nia sosiedade sira hasoru loroloron”, informa Leonia.
Nia esklarese, dala barak hahán ne’e importante ema hotu nia isin ba sira atu deside atu han saida mak bele rekupera sira nia saúde ne’e ba fali saúde normál, dehan nia iha Bebonuk, sabadu, (17/06).
“Detox ida ne’e ita bele haree liu ba ita-nia isin, karik hanesan problema iha sosiedade liuliu ba saúde no agrikultura nian. Husi ideia ne’ebé ha’u prodús dry fruits detox ita haree liu ba problema iha ita-nia rai laran ne’ebé hasoru saúde no agrikultura nian”, nia esplika.
Agrikultura sira kuda hahán barak iha to’os no natar atu fó vitamina minarais ema nia saúde, husu sosiedade presiza konsumu sosiedade nia ai-han ne’ebé barak maibé sira estraga mak barak, benefísiu husi ai-fuan sira ne’e mak oinsá.
Ai-fuan maran ne’ebé kontem sai materiál prima mak hanesan señora, pepinu, apel, du’ut-morin, ai-nanás nst.
“Ai-fuan maran ne’e bele dieta ema nia isin, kura moras no ajuda fó forsa normál ba ema ne’ebé halo servisu fíziku no kantór, ami mós prodús ai-fuan maran ho tipu tolu ba dieta, olaraga no moras inklui fó vitamina ba ema nia saúde ho saudavel”.
Nia dehan, ba olaraga bele hola produtu single detos ho presu $ 2,50 sentavus hodi kahur bee ákua ki’ik hodi hemu iha loron ida no ba moras terapy nian bele hola ai-fuan pakote ho presu $ 15 hodi konsumu ba semana ida nian nune’e bele haree nia reasaun ba rekuperasaun moras.
Sujere ba públiku la bele konsumu de’it hahán oin ida iha loron nia laran maibé pelumenus bele troka menu loron ida ba oin tolu.
Problema rua ne’e haree boot iha TL entaun hanesan joven buka meius oinsa atu fó solusaun.
“Iha 2019 ha’u tuir kompetisaun husi IADE halo inovasaun ba produtu lokál ha’u mai hanoin ida ho dry fruits detox ho tétum katak ai-fuan maran detox ne’ebé hasai toksing husi ita-nia isin”
Leonia prodús fundu husi kompetisaun iha IADE hodi loke fila fali kompañia OWNER OF MIRTEJES-F hodi fó atendimentu ba públiku no fó servisu ba joven sira
“Liuhusi kompetisaun ida ne’e ha’u hetan segundu lugár, entaun ha’u tau hamutuk osan ne’e ho ha’u nia rasik, prodús fila fali ai-fuan maran ne’e atu salva ema seluk nia vida”.
Maneira ida ne’e fó hanoin ba sosiedade agrikultura atu kuda barak ai-fuan sira nune’e nia bele kontinua prodús ai-fuan maran ne’e ba públiku,
“Soseidade kuda sira hatene sira nia produtu lokál ne’e to’o iha merkadu hodi hetan nia benefísiu ba nia agrikultura ne’e, ai-fuan sira ne’e ita sosa hodi ajuda komunidade ne’ebé moras, detox sei redús moras iha ema nia isin lolon.”, nia esplika.
Detox ne’e atu ajuda maluk sira ne’ebé moras hodi hasai virus (toksing) iha sira nia isin, aumenta fali sira nia vitamina minarais iha sira nia isin, ba ema ida-idak nia vida.
“Ema hotu hatene hatene de’it mak hahán ne’ebé atu haforsa isin, bosu atu servisu, ita haluha tiha katak ita-nia isin presiza vitamina minarais ba ita-nia órgaun sira seluk,” nia hakotu..
Jornalista : Honorio Guterres
Editór : Orlando Magno
