(Baucau) Mudansa – Xefi Suku Gariwai Arlindo Belo Freitas informa, nia parte sente triste tanba juventude suku Gariwai laiha ida maka pasa iha rekrutamentu Forsa FALINTIL Defeza Timor-Leste (F-FDTL) kada tinan serake juventude suku refere sai autór kriminozu?.
“Joventude Suku Gariwai laiha ida mak pasa iha rekrutamentu Forsa FALINTIL Defeza Timor-Leste (F-FDTL) kada tinan Serake juventude suku Gariwai sai autór kriminozu, ami hato’o preokupasaun ne’e ba primeiru Ministru no asumi mós pasta hanesan Ministeru Interior iha VIII governu konstitusionál.” Dehan Xefi Suku Gariwai Arlindo liu husi nia diskursu iha Suku Gariwai Baucau,sesta, 27/01/2022.
Autoridade lokál suku Arlindo akresenta, tanba saida mak juventude suku Gariwai la iha ida maka pasa iha rekrutamentu F-FDTL kada tinan.
“Suku ida ne’e nia naran hakerek nanis ona iha istória ba ukun rasik an no suku Gariwai iha tempu rezisténsia sai hanesan ai-huun boot ida fó mahon ba Primeiru Ministru Taur Matan Ruak bainhira sei lidera Forsa Gerilla to’o rai ne’e hetan ukun an iha tinan 1999.” Nia kestiona.
Hatán ba preokupasaun ne’e, Promeiru Ministru Taur-Matan Ruak deklara, juventude suku Gariwai hakarak sai Forsa (F-FDTL) tenke kuidadu saúde no labele hadeer barak iha tempu kalan.
Taur Afirma, Rekrutamentu tempu agora tenke liu husi teste altura ,tetu todan (kilu), halai no saúde, tanba ne’e Primeiru Ministru husu ba juventude sira labele hemu tua no fuma, maibé presiza kuidadu saúde diak bele pasa iha rekrutamentu Forsa nian, se saúde ladi’ak ne’e sei la liu iha teste.
“Rekrutamentu ba F-FDTL agora la hanesan ami nia tempu matan aat, liman kle’uk, tilun diuk ba hotu (pasa), maibé rekrutamentu agora iha nia kritéria barak mak tenke la’o tuir liuliu ita-nia kondisaun saúde Taba ne’e husu ba juventude sira tenke la’o tuir kritéria ne’ebé mak iha,” PM Taur Esplika.
Taur argumenta, Rekrutamentu ikus ba F-FDTL hamutuk na’in 1.500 hadau malu fatin 650 , maibé juventude hamutuk 250 mak hetan moras tuberkuloze mesak joven treinadu de’it, tanba la kuidadu saúde konsumu alkohol fuma sigarru konsumu alimentasaun la di’ak mak sei fo impaktu ba saúde.
Jornalista : Delfina Borges
Editór : Orlando Magno
