Saúde  

ONU Prontu Apoiu TL Kombate Malnutrisaun Iha Rai Laran

banner 120x600

(Dili) Mudansa – Sekretaria Jerál Organizasaun Nasoens Unidas (ONU) Gerda Verbung hanesan Koordenadór Movimentu ohin vizita Timor-Lesteho objetivu atu apoiu Timor-Leste luta kontra malnutrisaun iha rai laran.

Sekretaris Jerál ONU Gerda to’o iha Aeroporto internasionál Nicolau Lobato Dili iha loron Segunda feira 28/11/2022 tuku 12:25 ho aviaun Citilink.

Movimentu husi ONU mai vizita durante loron 3 husi ohin to’o dia 2 Desembru iha nia vizita ne’e sei hala’o atividade lubuk ida inklui hasoru entidades Governu, estadu, Bankadas Parlamentares, sosiedade sivíl, setór privadu,universitáriu inklui konsellu juventude sira.

“Ha’u kontente tebes tanba bele mai vizita Timor-Leste, objetivu mai iha ne’e atu hadi’a malnutrisaun, tanba tinan rua liu ba ami mós adere ona ba malnutrisaun, liu husi karta ne’ebé mai husi Primeiru Ministru atu sai hanesan membru ba dala 62 husi membru 65 ne’ebé iha.” Dehan Sekretaria Jeral ONU Gerda Verbung ba Jornalista iha salaun VIP Aeroportu internasionál Nikolau Lobatu, Dili Segunda, 28/11/2022.

Nia Akresenta , Governu halo ona ninia prioridade fokus ba malnutrisaun, tanba ne’e nia sei ko’alia liu kona-ba Nutrisaun, primeiru hahú husi bebé sai tinan 2 to’o inan isin rua sira.

Tuir dadus ne’ebé média mudansa asesu, Taxa malnutrisaun iha rai-laran tun besik 6.6% porsentu ka 44.7% porsentu iha 2010 ba 38.1% porsentu iha 2013. dadus sira ne’e aprezenta redusaun taxa malnutrisaun krónika iha labarik husi fulan 0 to’o 23 ho 11% porsentu ( iha tinan 2010 hamutuk porsentu 49% no mós iha tinan 2013 tun ba porsentu 38% ), no besik 6.7% porsentu husi redusaun iha índise malnutrisaun krónika entre labarik oan ho otas hanesan ho rezultadu Estudu Demográfiku Saúde nian ( 18.6% porsentu iha 2010 ba 11.9% porsentu iha 2013).

Ikus liu Sekretaria Jeral Organizasaun das Nasoes Unidas (ONU) hanesan mós Kordenador Movimentu Gerda Verbung hato’o mós votus parabéns ba Timor-Leste ne’ebé ohin selebra nia loron Proklamasaun Indepedènsia 28 novembru ba dala 47.

Jornalista: Domingas Viana

Editór     : Orlando Magno

banner 325x300