(Bobonaro), komado jeral 14/11/2026 – Komandu PNTL Munisípiu Bobonaro rejista kazu krime hamutuk 185, inklui kazu omisídiu, ofensa ba integridade fízika simples, maus-tratus no kazu sira seluk, durante períodu Janeiru to’o Novembru.
Husi kazu sira ne’e, kazu ofensa ba integridade fízika simples hamutuk 52, maus-tratus 42 no kazu ilegál 26. Kazu sira ne’e, suspeitu sira hetan kaptura no apresenta ba Ministériu Públiku atu kontinua prosesu tuir lei.
Superintendente xefe polisia Damiao da Silva Correia Lic.Dir.MH hatete katak Komandu PNTL Munisípiu Bobonaro mós kontinua halo investigasaun ba kazu sira ne’ebé akontese iha suku sira, inklui kazu ne’ebé envolve professora no professor. Bainhira investiga remata, suspeitu sira sei apresenta ba Ministériu Públiku atu halo prosesu tuir dalan legál.
Iha parte seluk, Komandu Munisípiu Bobonaro kontinua asegura fronteira hodi kontrola atividade ilegál, inklui mina-minerál, gasoil no sigaru iha operasaun fronteira, autoridade sira mós konfiska sasán ilegál, inklui gasoil litru 20.
Komandu Munisípiu Bobonaro mós hala’o servisu hamutuk ho autoridade lokál, administrador postu, xefe suku no xefe aldeia hodi asegura estabilidade no seguransa iha munisípiu.
Komandu mós temi katak iha limitasaun rekursu, liuliu transporte, ne’ebé sai dezafiu ba hala’o operasaun no investigasaun maski nune’e, komandu kontinua servisu hodi responde ba situasaun hotu-hotu.
“Komandu município Bobonaro pronto orientasaun ordem do komando geral qualquer situasaun komando município 24 horas pronto para tudo atende apoio garantir segurança estável.” Hatete Superintendente xefe polisia Damiao da Silva Correia Lic.Dir.MH iha Maliana foin lalais ne’e.
Nia mós hato’o agradese ba Administradór Munisípiu Bobonaro ne’ebé fó apoiu transporte ba atividade operasionál.
“Efoin dada valoranbot ami usa apoio ba iha administrador município apoio ba transporte rua apoio ba ami para tuliza para halahalu movimento ba kontrola ba iha loron bo’ot finadu nian.” Nia hetete
Ho apoiu husi autoridade lokál no forsa seguransa, Komandu PNTL Munisípiu Bobonaro kontinua kompromete atu asegura estabilidade no seguransa ba komunidade, hodi suporta dezenvolvimentu iha munisípiu bobonaro.
Ekipa: Media Mudansa















