Díli (Kaikoli)-Komandante Polísia Nasionál Timor-Leste (PNTL) Munisípiu Díli Superintendente Xefe Polísia Orlando Gomes, hateten ekipa juri Komandu Munisípiu Díli Hahu Registo no simu kandidatura vaga rekrutamentu Polísia period 2025.
Komandante PNTL Munisípiu Díli Superintendente Xefe Orlando Gomes orienta rekrutamentu sira forma tuir liña rua kompostu husi mane no feto, maske forma ho liña rua nebe’e mak naruk to’o mai iha li’ur.
” Komandante Jerál ho ekipa juri tomak ne’ebé mak fó sai katak ohin iha territóriu laran tomak iha Komandu Munisípiu sira hotu, tenke rejistu rekrutamentu ba polísia nian, tanba ne’e mak Komandu Munisípiu Díli hahú ohin rejistu ba kadetes sira ne’ebé mak atu sai hanesan kadetis ba polisia “. Orlando hateten ba jornalista sira iha nia kna’ar fatin Komandu PNTL Munisípiu Díli Kaikoli 05/08/2025.
Nia esplika regra ne’ebe maka komandu fo sai katak, formulario ne’e tenki kadete ka nain rasik mak foti no labele liu-husi ema seluk, hafoin kandidatu sira forma ekipa juri sei halo xamada ba kandidatura ida-idak hodi halo pasa revista antes ba foti formulario refere.
“Bainhira kandidatu sira atu ba foti formulariu ekipa juri primeiru pasu sei halo pasa revista ba iha kandidatu idak-idak no sukat sira- nia altura, ba feto a’as ho metru 158 no mane ho metru 165. Kuandu sukat altura la to’o automátikamente eleminadu, Kriteriu daruak molok asesu ba formulariu ekipa juri sei check ba kandidatu sira nia tato iha isin kuandu kandidatu ida mak sinal ruma iha sira nia isin lolo, depois juri sira check mak hetan ida ne’e sei elemina no sei la hetan formulariu”, Nia Akresenta.
Nia hatutan, ekipa juri mós sei haree ba kandidatu sira nia idade ne’ebé mak defini ona iha regulamentu número 5, ne’ebe ho idade 18 to’o 23 karik iha kandidatura ne’ebe idade la to’o 18 no 23 labele liu ka eliminadu.
“Juri mós sei haree dokumentu karik la kompletu sei haruka kompleta hotu mak foin fó formulariu, kuandu kriteriu sira ne’e mak kandidatu refere la priense mak sei juri sei la fó formulariu. públiku kestiona ba kriteriu ba idade ne’e lá’os Komandu Munisípiu Díli mak tau maibé ne’e ekipa juri mak determina”Nia Informa.
Iha fatin hanesan kandidatura Elizio Robino dos Santos Gama, hateten nia sente haksolok no agradese ba Governu tanba bele fo oportunidade ba joven sira hodi tuir rekrutamentu ba membru polísia tinan 2025.
“Ha’u hakarak tuir rekrutamentu ne’e hodi mai foti foti formulariu ne’e tanba ida mai husi ha’u nia hakarak atu sai hodi servisu povu no nasaun liuliu ba ita nia povu no rai doben ida ne’e”.nia afirma.
Entratantu ekipa juri deklara kandidatu sira asesu ba formulariu ne’e sei foti husi oras tuku 10:00 to’o oras tuku 12 minutu 30 meiodia, no sei hahu fila fali iha oras tuku 2 to’o lorokraik, enkuantu to’o agora seidauk iha kandidatu ida mak priense kriteria vaga ne’ebe fo sai ona.
Jornalista : Maya Luanda
Editór :Manuel Andrade
