(Dilí)-CCD -Tuir Treinador Efren Geronimo hateten, Iha jogu Dahuluk Timor-Leste derota ho ekipa Portugal ho score 0-1 maibe Timor-Leste sei la lakon ho Cavo-Verde, ho esperansa nebe mak Iha no mos esforsu ekipa Timor Leste hakrak atu hadau pontus Ida husi Nasaun Cavo-Verde Iha jogu edisaun tuir mai.
“Hau hanoin ekipa hotu-hotu hakrak atu sai mana nain ba jogu refere, maibe Ami mos agora prepara hela ami nia ekipa atu nune’e jogu ne’e lao ho Diak, “dehan Treinador Timor-Leste Efren ba jornalista sira hafoin konferensia emprensa.
Nune’e nia haktuir, ekipa sei mantein nafatin ho line up ho primeiru jogu nian tamba kestaun tuir esperiensia jogador nian, no jogador barak liu mak husi minisipiu no sira ho esperiensia ne’ebe foun no tuir kompetisaun ne’ebe foun hodi prepara jogador sira ba futuru.
“Hau hanoin Ida ne’e ekipa tekniku hamutuk ho Treinador hadia tiha ona sala ne’ebe mak antes hasoru Portugal,”nia deklara.
Iha fatin hanesan kapitaun, Germano Junior Franco da Silva informa, preparasaun ba ekipa Timor-Leste Nafatin esforsu Aan ho diak liu tan hodi halakon Nasaun Cavo-Verde iha Minutu 90 nia laran.
“Hau Iha esperansa bo’ot atu halakon Cavo Verde atu ne’e bele hetan oportunidade ba pontu tolu(3) nian no ami sei esforsu ho diak liu tan hodi halakon Cavo Verde” Nia hakotu
Jornalista :Zemidonio Martins
Editor :Manuel Andrade
