(Díli) Komoro-Ministru Komersiu no Industria (sigla portuges-MKI) Filipus Nino Pereira halo visita ba empreza timoroan Asarini Service ne’ebe maka halao nia produsaun hanesan Suku Sofa hodi distribui ba merkadu.
Hafoin remata visita Ministru Komersiu no industria Filipus Nino Pereira hatete, objetivu husi visita ne’e relasiona ho programa no politika Nunu Governu Konstituisional hodi promove no hakbit setor privadu no empreza mikro ki’ik sira, hafoin nia katak durante atividade barak ne’ebe mak kontribui ona husi empreza sira ba prosesu dezenvolvimentu ekonomia nasaun.
“ita hakarak enkorajen nafatin joven atu nune’e bele hare atividade produtivu sira hanesan ne’e, liga ba oportunidade negosiu ne’ebe mak iha ba ita nia nasaun. No iha informasaun oi-oin ho skil ka koiñesimentu sira bele aproveita, no kria empregu ka negosiu ba sira nia aan rasik “ hateten visita Ministru Komersiu no industria Filipus Nino Pereira ba jornalista sira foin lalais ne’e hafoin remata visit aba kompaña Asarini Service iha komoro, Díli.
Nunee nia haktuir, promove esperitu emprendorizmu ne’e importante tamba bele hamoris emprezariu foun sira, maske negosiu ho ki’ik maibe bele kontribui ba dezenvolvimentu ekonomia iha rai laran hanesan kompaña Asarini Service ne’ebe mak produs ona Sofa, nune’e nia hatete durante existeneisa empreza ne’e lao diak maske produsaun ne’ebe sira halo depende ba kliente sira nia hakarak hafoin sira bele produz.
“ Guverno mak sai hanesan parseiru estratejiku hamutuk ho setor privadu no empreza mikro ki’k no media sira, entaun ita buka dalan sira mak hanesan informasaun no dalan ida maka promove sira nia produtu ida ne’e, no sira bele espanda tan sira nia negosiu ” nia deklara
Nia salienta,presija haklean koiñesimentu konaba jestaun tamba ne’e importante hodi bele asegura produtividade no mos iha empreja ki’ik balun nebe’e halo atividade nafatin garantia kualidade hodi compete mos ho empreza sira seluk nebe’e mak existe ho atividade negosiu la hanesan.
“tamba ohin loron foru kareta ka sofa sira ne’e, ne’e laos ida deit no sira seluk tan, karik mos ema husi rai liur mos halo atividade ne’ebe mak hanesan ne’e, ne’e mak enkorajen nafatin Timor oan sira mos iha skill ba ida ne’e, ita nafatin promove hodi bele kontinua ba oin ”nia subliña
Iha fatin hanesan CEO/Nain ba Empreza Asarini Service Julio Margues hatutan, orgullu tamba Guvernu liuhusi Ministerio Komersiu no Industria (MKI) halo visita ba sira nia fatin, tamba sira hanesan empreza ne’ebe foin hahu ho sira nia atividade produsaun suku sofa.
“ami husi kompaña Aasarini Service agradese no kontenti tebes ohin loron husi parte guverno marka prejensa iha ne’e hodi hare direita ami nia atividade produsaun nebe’e mak ami halo” Nia hatutan.
Nia informa, durante ne’e difikuldade barak maka empreza ne’e hasoru hanesan material ne’ebe atu halo produsaun ba suku sofa tenki hatama husi rai liur hanesan Kulit, Sponja no sasan sira seluk tan, tamba ne’e sira pasiensia hodi hein sasan ne’ebe maka sira sosa husi rai liur tama mai Timor.
” Ita depende ba loja iha dili laran, karik sasan sidauk tama iha loja ami mos pasensia hein sasan tama mk ami sosa ” nia reforsa
Nia husu ba joven sira atu bele uza tempu ho diak no buka refrensia sira atu nune’e bele hetan esperiensia ho nune’e bele loke rasik negosiu hodi bele dezenvolve nasaun ne’e ba oin no labele Garantia ba Governu.
“rekomnda ba guverno katak, guverno tenke tau matan ba joven sira nebe iha hanoin kreativu no dala barak la iha kapital ne’ebe iha, maibe iha eperensia entaun oinsa ho guverno nia planu ba ida ne’e, bele fo formasaun hanesan fo kreditu ba sira atu nune’e sira mos bele dezenvolve sira nia esperensia” nia hakotu
Jornalista. : Rogerio Anuno
Editor. : Gaudensia Bello
