(Díli) Liquintai- Ministru Komérciu Indústria (Sigla Portuges-MKI) Filipus Nino Perreira observa direita kompaña Padaria Orientál Unipessoal,LDA ne’ebé promove ai-han Lokal ba konsumidór sira.
Tuir Ministru Komércio Indústria (MKI) ) Filipus Nino Perreira hateten, Objetivu husi vizita ida ne’e hodi hare kona-ba empreza Padaria Orientál Unipessoal, LDA, ne’ebé durante ne’e tunu paun hodi atrai no promove Produtu lokal/ai-han lokal ba konsumidór sira, tanba ho realidade katak fatin ne’e mo’os no ijiene.
“Ita hanoin husi empreza mós halo peskiza iha ona merkadu sira produs tuir duni nesesidade merkadu nian, tanba ne’e mak ha’u hanoin ida ne’e importante tebes no ida ne’e mós faz parte atu promove mós espíritu emprendedorizmu ohin loron, Ita Ko’alia katak Ita presija kriasaun empregu ne’e barak liu tan, ne’e hanesan dalan ida mak kriasaun industria ki’ik sira hanesan ne’e ho nu’une mós hola parte ida bele halo rekruta ba joven no Komunidade sira ne’ebé iha interese hakarak Servisu iha industria ki’ik sira hanesan ne’e.” dehan Ministru Comérciu Indústria (MCI) Filipus Nino Perreira ba jornalista sira iha liquintai foin lalais ne’e.
Iha fatin hanesan Empreza Padaria Orientál Unipessoal, LDA Neng jung Lim, senti orgullu tanba husi Ministru Komersiu No Industria (MKI) bele ba visita sira nia fatin hodi hare Kondisaun no situasaun nebe Empreza nee hasoru, tanba fatin tunu paun ne’e hari besik tinan Lima nulu (50) ona.
“Padaria Unipessoal, LDA, ami hahú iha tinan 1975 to’o tinan 1976 iha toko Díli ne’eba, no muda mai fali iha fatin ida ne’e iha tinan 1977, iha momentu ne’eba la’os ha’u mak nain ba Industria ida ne’e, maibé ha’u nia Tiun sira mak nain ba Indústria ne’e, entaun iha tempu ne’eba sira fila tia ba Australia no Indústria ne’e sira rai hela ba ha’u no ha’u kontinua loke fali Indústria ne’e iha 1975 to’o tinan 1999 iha tempu ne’eba”, nia hatutan.
Nia Hatete, sasan barak mak sai estragus iha tinan 2000 mak hari fila fali, no produs paun mós hare ba tempu de’it la’os loron-loron folin di’ak la iha,mais uluk sei di’ak oituan, tempu uluk trigu bornal ida dolar sanulu resin lima ($15 ) to’o dolar sanulu resin hitu ($17) bele hotu agora la iha, uluk paun falun ida (1) dolar sanulu resin rua ($12), iha tempu ne’eba covid 19 mosu mai entaun trigu mós komesa folin sae entaun sira fa’an fali paun fuan ida (1) 0,10 centavos.
“Iha ami kompañia ne‘ebé mak halo paun, no agora sira fa’an iha fatin de’it mais uluk keos antigu sira iha, ami bele antar ba to’o fatin no dala ruma ema pesan ami bele lori ba to’o sira nia fatin,mais agora la hanesan uluk,tanba keos mós menus ona”, Nia tenik
Entertantu Trabailadór ne’ebé servisu iha kompañia Empreza Padaria Orientál Unipessoal,LDA, hamutuk sanulu resin ha’at (14), no seidauk konta feto sira ne’ebé mak halo dosi keta-ketak.
Jornalista: Inácio Silva/Estagiada Hilario Chyfan
Editor: Gaudencia Belo
