(Dili)Fomentu II-Sarani Katolika Timor-Leste liu husi Universidade Intitute Of Busines (IOB),presta omenagen no selebra misa agradesementu ba maktoban Santu Padre Papa Francisco hodi hanoin hikas nia vizita iha Timor-Leste.
Tuir omilia Pe, Beneditus Nuwa CMF, hateten, agradese ba maromak tamba bele konese Santu Padre Papa Francisco nebe hadomi timor no mundu tomak, no mos sai ezemplo diak hanesan jesus kristu hodi uluk kedas bainhira papa Francisco maromak hili nia atu sai Papa nia mos nia laran monu hanesan santu Francisco de Asis,
“Santu Francisco de Asis konesidu tamba kompresa radikal ho ninia domin kondisional ba ema kiak sira no mos Sao Francisco de Asis nia rejeita, poder mundu nian no kriatura tomak tamba ida ne’e maka hili naran Francisco nu’udar padroeru Papa nian, no uja ninia naran rasik, dehan,”Pe Beneditus Nuwa CMF ba jornalista media mudansa iha salaun auditorium (IOB), 25/04/2025.
Nune’e nia deklara, Tamba sa mak nia hili naran ida ne’e, tamba nia iha esperensia barak husi sao Francisco de Asis tamba moris ne hanesan reflesaun ida ba hotu- hotu no mos ba ema kristaun hotu-hotu iha mundu tomak, tamba ninia moris semplise besik ba ema kiak sira, no ba kriatura sira hotu no mos ba ema sira ne’ebe iha relijiaun sira seluk.
“Aliende ne ita hare katak papa Francisco nia laran monu ba sao Francisco de Asis tamba espiritu ida ne’ebe sao Francisco de Asis hamoris wainhira ita rona sao Francisco de Asis nia moris ne’e ita hakfodak, tamba ema ida ne’ebe semplise liu iha ninia moris no mos nia kompromisu ba dame no kriatura hotu no ema hotu iha mundu tomak, Maibe ita moris iha fatin seluk ita hare katak ita hotu-hotu ema kristaun tenke hatudu valor kristaun valor ida nebe ita hatudu katak ema hotu bele hare atu bele sai naroman ba ema seluk atu lori dame no dialogu ba ema seluk “ nia relata.
Nia Salienta katak, Papa Francisco nia ispiritu ne’ebe sao Francisco de Asis hatudu, iha ninia moris, nune’e nia ba halo vizitasaun iha musulmanu sira iha Arab no mos lori dokumentus ida nebe hanesan loke ema nia neon no fuan, nia naran humafraterniti katak ita hotu-hotu ne hanesan mesak maun ho alin ida, bele diferente iha kultura ka relijiaun, maibe ne’e maromak nia kriatura, tamba maromak nia kria ne’e nu’udar ninia imajem rasik.
“Tmba ne’e mak papa Francisco sempre ba halo vizitasaun ho relijiaun seluk atu hatudu katak ita hotu-hotu ne maun ho alin, no mos ita hare katak ninia domin ba kriatura hotu hanesan, papa Francisco hasai tensiklita laudabosit no ita tenke aprende saida mak laodabosit no laodabosit ne katak ita tenke respeita ita nia mundu raiklaran ida ne’e ho domin mak labele soe foer arbiru iha rai,”nia salienta.
Iha fatin hanesan Dosente, Jose Gusmao Freitas ,hatutan, igreja katolika iha mundu ohin loron no iha timor-leste no mos inklui eskola (IOB), halo selebra misa ida ne’e atu hanoin hikas amu papa Francisco, ninia vizita mai iha timor-leste maibe hanesan babain nia dehan, nia laran ba timor entaun nudar timor oan no nudar akademika ho aktivista, sempre selebra misa hodi agradese ba amu papa ninia Mensajem domin nebe hamenon ba Timor oan hotu entaun jerasaun mos tenke sentidu misa agradesimentu iha eskola (IOB).
“IOB mos ohin sei iha prosesaun iha lecidere hanesan fatin ne’ebe igreja katolika Timor-leste liu-liu iha dili, termina iha ne’eba ita hotu-hotu konsentra hodi halo preparasaun ba ita nia amu papa Francisco nia mate, Jose Gusmao hateten.
Nia haktuir, Papa Francisco nia hanesan lider bo’ot iha mundial no lider ida ne’ebe hanesan luta ba fraternidade humanu tan ne’e nia lakon husi mundu nia let, no mos ita nudar Timor oan intermos sarani katolika, no iha relijiaun sira seluk nia sentimentu hasoru lider igreja katolika ne’ebe lakon ona iha mundu ida ne’e nia let.
“Lisaun nebe amu papa hameno hela ba ita ne’e mak joven tenke hakilar, haklalak no halo buat diak no mos amu papa Mensajem ba ita katak nudar timor oan no nudar joven tenke prepara aan no joven tenke badinas, matenek, no oinsa atu bele habelar dutrina iha mundu raiklaran ida ne ho intermos timor laran tomak,” Jose Gusmao Freitas hatoku.
Jornalista : Rogerio Anuno
Editor : Gaudençia Belo
