(Dili) Mudansa – Ministeriu Interior Sei hadi’a estatutu no mós kria regras ba seguransa liuliu Polisia Nasionàl Timor-Leste (PNTL) hudi regula membru sira, ida ne’ebé kontra regulamentu no halo juramentu ba buat seluk sei simu sansaun rigorozu.
Ministru Interior Francisco Guterres informa, sira tenta ona atu hare kona ba implementasaun rigorozu ba profesionalizasaun Polisia nian, tanba Polisia halo Juramentu dala ida de’it ba iha estadu no ba Bandeira RDTL la iha tan Juramentu ba buat seluk.
“Se de’it mak ba Juramentu kiri-kanan entaun fó opsaun ba nia hodi hili Juramentu ba RDTL ou ba Juramentu seluk entaun tenke sai tanba Polisia tenke serví Neutru no Profesional ho di’ak ne’e mak ita tenke halo,” dehan Ministri Interior Francisvo ba jornalista hafoin simu pose iha Palasiu Prezidensial Bairo-Pite Dili, 01/07/2023.
Nia esplika, Tuir mai sei hare mós ba imigrasaun tenke hadi’a reforma ba imigrasaun no kria kondisoens sufisiente ba Polisia Primeiru kestoens legais tenke redús lei hotu kedas, iha loron 100 nia laran.
“Primeiru ita hare kona ba PNTL sira ne’ebé obrigatoriamente tama ba reforma ita tenke hatuur filafali tanba iha kestoens balu ita presiza hadi’a antes sira bele tama reforma atu ita bele fó sira nia Estatutu ida ne’ebé mak dignu ba sira ,” Francisco relata.
Nia afirma, Ema sira ne’e serví Estadu no Rai ida ne’e nia iha ona idade reforma ita tenke halo di’ak atu nune’e nia reforma ne’e ho di’ak.
“Ne’e prioridade ami sei halo para oinsá sira na’in 150 resin ne’ebé reforma nune’e ami sei review fila fali tuir sira nia Estatutu, no hare didi’ak oinsá fó kondisoens dignu ba sira antes sira ba reforma tanba Maioria sira seidauk asina buat ruma ne’ebé ita sei bele hare no hadi’a didi’ak,” nia deklara.
hakarak haruka Polisia sira ne’ebé idade to’o ba reforma tenke reforma ho dignu kria kondisoens ba sira ho di’ak tanba sira nia vida tomak dedika ba iha Polisia hodi serví povu Timor-Leste.
“Liu husi kestaun Seguransa ne’ebé Prioridade ami tenke hare uluk ida ne’e, depois mak ami revee tan programa sira seluk ne’ebé sai obstákulu hodi PNTL hala’o nia servisu la du’un di’ak ne’e,” Ministru Interior Francisco Guterres hakotu.
Jornalista : MediaMudansa
Editor : Orlando Magno
