(Dili) Mudansa – Prezidente Komisaun Asesu Ensinu Superior Publiku (PKAES) Maria Filomena Lay Guterres informa, rezultadu kandidatu ne’ebé maka asesu ba Universidase Nasional Timor Lorosa’e (UNTL ) ba tinan akadémiku 2023 nian hamutuk 9.608.
“Kandidatu sira ne’ebé admitidu “pasa” ba iha UNTL no IPB hamutuk na’in 4.804, husi UNTL estudante hamutuk 4.421, Instituto Politekniku Betano (IPB) estudante na’in 382 no kandidatu sira ne’ebé admitidu “pasa” tuir Rejime Jeral no Rejime espesiál hamutuk 4.804, kompostu husi kandidatu rejime Jeral na’in 3.567 no kandidatu rejime espesiál hamutuk 1.237,” Dehan Prezidente PKAES Maria ba jornalista sira iha salaun FDCH Dili Sesta, 24/02/2023.
Maria relata, kandidatu ne’ebé admitidu “pasa” iha UNTL hamutuk 4.421, mane hamutuk na’in 1.604, (36%) no feto 2.817 (64%) no kandidatu Institutu Politéknika Betanu (IPB) hamutuk na’in 383 (10%) mane 167 no feto 216.
“Kandidatu sira ne’ebé admitidu “pasa” tuir Rejime Jeral hamutuk 3.567, 100%, kompostu husi kandidatu mane na’in 1.298, (44%) no kandidata feto na’in 2,269, (56%) no estudante ne’ebé kategoria hanesan rejime espesiál hamutuk 1.237 mane na’in 473 no feto 764.”Nia subliña.
Tanba ne’e estudante ne’ebé kategoria hanesan rejime espesiál hamutuk na’in 1.870, no sira estudante sira ne’ebé tuir ezame hamutuk 1.586 maibe estudante na’in 284 mak la tuir ezame.
“Estudante ne’ebé kategoria hanesan veteranu nian oan hamutuk na’in-405, maibé estudante 370 mak tuir ezame no sira ne’ebé la tuir ezame hamutuk 35,” Nia hakotu.
Jornalista : Delfina Borges
Editór : Orlando Magno
