(Díli), Rezidensia Jezuita Taibessi 04/07/2026 – Ambiente laran triste no hakmatek envolve nakonu iha Residénsia Jezuíta Taibesi bainhira família,relijiozu no komunidade katólika inklui ho autoridade no Governante sira hamutuk hodi selebra no fó omenajen ikus ba Missa Padre João Fulgueira.
Iha okaziaun ne’e, Presidente da Repúblika (PR)José Ramos Horta hateten, Padre João Fulgueira husik patrimóniu moral ida ne’ebé importante ba nasaun no povu Timor-Leste, liuliu nia servisu ho laran moos no komitmentu ba ema seluk.
“Padre João Fulgueira husik ezemplu ida kona-ba servisu ho laran moos, dedikasaun no domin ba povu, “dehan Prezidenti Repúblika José Ramos-Horta iha diskursu,Taibesi 04/07/2026
Nia deklara,matebian Padre João Fulgueira nia Kontribuisaun ba rai doben Timor-Leste sei nafatin moris iha povu no sarani sira hotu nia moris no hanoin.
” Dedikasaun no kontribuisaun husi padre João Fulgueira ba nasaun no sarani katolika Timor-Leste sei nafatin moris iha ita hotu nia hanoin,” nia hatutan
Entretantu, durante selebrasaun missa, selebrante konvida fiéis sira atu kontinua moris tuir valor solidariedade, domin no servisu ba ema seluk, hanesan legado espiritual ne’ebé Padre João Fulgueira hatudu durante nia moris.
Enkuantu Padre João Fulgueira konsagra nia moris ba misaun Igreja Katólika, ho servisu bo’ot liuliu iha área edukasaun, formasaun espiritual no akompañamentu pastoral ba komunidade sira iha Timor-Leste.
Missa Saudózu iha Residénsia Jezuíta Taibesi sai tempu ida ba família, maluk no komunidade katólika atu fó despedida ikus no hatudu gratidaun ba servisu no dedikasaun ne’ebé Padre João Fulgueira fó ba Igreja no nasaun durante tinan barak.
Jornalista/Estajiada :Josefina Maria freitas Desá
Editor :Ana Maria
