Díli– Premeiru Ministru (PM) Kay Rala Xanana Gusmão ho nia delegasaun Timor-Leste to’o ona iha Malázia iha Domingu 25 Maiu 2025 ne’e hodi partisipa seremonia sekuénsia Plenária Simeira Asosiasaun Nasaun Sudeste Aziátiku ASEAN nian ba Dala 46
“Ohin Timor-Leste sei hetan oportunidade atu ko’alia iha Plenaria Simeira Asosiasaun Nasaun Sudeste Aziátiku (ASEAN), Atu prienxe sekuénsia ne’e Primeiru Ministru Xanana Gusmão ho delegasaun Timor-Leste to’o ona iha Malázia iha Domingu 25 Maiu 2025 ne’e, durante enkontru ne’e, meza sei konvida Timor-Leste atu ko’alia kona-ba ajenda hotu-hotu bazeia ba matadalan foun” ne’e maka sekuénsia ida husi pontu ha’at iha ajenda simeira ASEAN ne’ebé hala’o iha Sentru Konvensaun Kuala Lumpur”, dehan PM Xanana Gusmão iha Malázia iha Kuala Lumpur, 26/05/2025
Simeira ASEAN ba dala 46 hala’o tuir tema Prezidénsia ASEAN 2025 Malázia nian katak “Inkluzividade no Sustentabilidade”, sei halibur líder sira husi Estadu-membru sira ASEAN nian hodi diskute kestaun rejionál sira no trasa diresaun futuru husi kooperasaun ASEAN nian.
Sekretariu Estadu komunikasaun Sosial, (SEKOMS) Expedito Loro Dias Ximenes hatete, Partisipasaun Primeiru Ministru Xanana Gusmão nian iha simeira ne’e, sei iha reuniaun bilateral ho Xefe Governu husi nasaun membru ASEAN sira.
“Primeiru Ministru sei halo aprezentasaun kona ba dezenvolvimentu ne’ebé Timor-Leste halo ba iha enkontru bilaterál sira, Partisipasaun Timor-Leste nian iha simeira ASEAN ba dala 46 ne’e hanesan pontu kulminante no estratejiku”, dehan Expedito iha Hotel Intercontinental Kuala Lumpur Malázia, Domingu foin lalais ne’e.
Nia dehan, IX Governu nafatin desizivu atu partisipasaun ne’e bele hetan rezultadu ne’ebé di’ak Xanana Gusmão, hein katak esforsu tomak ne’ebé povu hein esforsu iha rezultadu.
Pontu ha’at importante iha sesaun dader, iha loron dahauluk simeira ASEAN ba dala 46 katak Simeira ASEAN nu’udar enkontru diplomátiku altu nível ne’ebé hala’o tinan-tinan husi estadu membru sira husi Asosiasaun Nasaun Sudeste Aziátiku (ASEAN).
Simeira ASEAN sai hanesan plataforma ida ba líder sira husi nasaun membru sira-ne’e atu halibur no diskute asuntu oioin rejionál no internasionál sira ne’ebé maka sai preokupasaun ba malu.
“Simeira ne’e permite líder sira atu troka hanoin, fahe hanoin, no foti desizaun konaba asuntu sira ne’ebé relasiona ho kooperasaun polítika, ekonómika, sosiál, no seguransa iha rejiaun laran, durante enkontru ne’e, Meza sei konvida Timor-Leste atu ko’alia kona-ba ajenda hotu-hotu bazeia ba matadalan foun”, Hakotu
Entertantu notisia ne’e ekipa Média Mudansa asesu husi pajina PM nian ne’ebé mak ho nia delegasau Timor-Leste nian partisipa Plenaria Simeira Asosiasaun Nasaun Sudeste Aziátiku (ASEAN) ba dala 46 iha Malázia.
Ekipa Média Mudansa
