(Díli) Hotel Timor- Ministeriu Saúde liuhusi Vise Ministru Fortalecimentu Institucional da Saúde Enkotru nivel máximu ho autoridade munisipiu hodi hamosu polítika no planu aksaun kombate uza tabaku no fator risku seluk husi moras la hada’et.
Tuir Vise Ministru Fortalecimentu Institucional da Saúde José dos Reis Magno, hateten enkontru ne’e haré kona ba oinsa bele foti asaun konjuntu hodi bele kontrolu tabaku iha Timor-Leste, tanba ne’e konvida prezidente autoridade husi munisipiu sira atu marka prezensa inklui mos ho liñas ministériais sira, hodi hare ba asaun konkretu ne’ebé ba oin presija atu hala’o hanesan prevene konsumu Tabaku.
“atu nune’e bele Evita tabaku ba ema sira ne’ebé mak fuma dor, difisil maibé oinsa mak sira bele halo redusaun, atu nune’e to tempu ida ema bele konsiente kona ba risku fuma tabaku, ”Dehan Vise Ministru Fortalecimentu Institucional da Saúde José dos Reis Magno ba Jornalista sira iha Hotel Timor foin lalais ne’e.
Nia agresenta organizasaun Mundial Saude (Sigla portuges-OMS) hateten katak husi idade 13 to’o 15 maka sai risku konsumu tabaku, ho nune’e iha futuru bele estraga sira nia saude, tamba ne’e liuhusi asaun ida ne’e oinsa maka halo redusaun ba ema ne’ebe fuma tabaku.
“Entaun abanbainrua sei fo impaktu negativu, bele influensia ba sira nia saúde rasik, tanba ne’e, hanesan governu tenke antisipa lalais situasaun sira ne’e”,nia hateten.
Nia realta husi enkontru nivel altu ne’e Envolve mos ema importante sira hotu husi liñas ministériais no mós prezidentes autoridades sira, koalia mós kona ba problema saúde públika ne’e hanesan isu Informasaun ne’ebé mak la’os ministériu da saúde de’it mak atu haré maibé presija kolaborasaun no koordenasaun di’ak entre liñas ministériais sira hotu.
Entretantu tuir dadus ne’ebe maka fó sai husi Vise Ministru Fortalecimentu Institucional da Saúde katak total husi pursentu 60% maka idade adoltu ne’ebe fuma tabaku inklui mos labarik sira ne’ebe ho idade 13 to’o 15 hamutuk pursentu 40% ne’ebe konsidera konsumu tabaku.
Jornalista : Ekipa Média Mudansa
Editor :Gaudensia Bello
