(Díli) SOLS Education Becora-Prezidenti institutu nasional kombate HIV-SIDA (INSCIDA I.P) Daniel Marçal hatete, sexu la importante ba futuru, Tamba inan aman buka osan atu selu oan sira nia eskola maibé oan sira uza halo sexu orientsaun husi inan aman hakarak oan sira sai Susesu no tempu atu hadia moris labele ansi atu hala’o sexu.
” Ita hare madre sira ko’alia hanesan ne’e bele proboka ita atu monu lalais entaun buat sira ne’e hotu fó hanoin ba joven sira hotu katak sexu ne’e la importante liu ita nia futuru, inan aman sira buka osan atu selu eskola maibé oan sira halo sexu, no inan aman nia orientasaun ne’e hakarak oan sira atu sai susesu mesmu sira lakon buat barak maibé sira orienta ita ba moris di’ak iha futuru, e sexu ne’e loron ida halo to’o baruk maromak sei fó ema ida maibé laos agora e agora ne’e tempu para estuda hadia ita nia moris e ema ne’ebé mak la sai madre ho padre loron ida sei hasoru maibé la bele ansi demais atu hala’o sexu ema hotu-hotu agora iha risku tamba virus HIV ne’e la iha sinal ida taka iha ita nia oin e agora ne’e timor barak mak da’et husi problema HIV ne’e, ” dehan Prezidenti inscida ba Jornalista sira iha SOLS Education Becora, Díli Tersa 19/02/2025
Prezidenti hatete katak, hanesa joven feto sira nia dignidade bale ho kondong 50 dolar banhira moris hamutuk ho mane tamba osan 50 dolar sira brani fó isin ho kondong
“Komisaun la fahe kondong averturamente la iha maibé ami nia objetivu oinsá atu muda ema nia hahalok ne’e no mentalidade, ita kompara hanesan ba joven feto sira masa ita nia dignidade ne’e bale ho kondong ida ne’ebe 50 dolar bainhira imi moris hamutuk ho mane ida kestaun osan 50 dolar brani fó imi nia isin moris ho kondong de’it imi la asegura imi husi virus ida ne’e, ” Nia Afirma
Prezidenti INSCIDA deklara katak, INSCIDA Sei halo kordenasaun ho Autoridade xefe suku no aldeia sira atu halibur joven feto no mane atu bele fó formasaun ba sira atu nune’e hadok an husi moras HIV-SIDA iha Timor-Leste.
“Premeiru ami iha Kordenasaun ho autoridade sira tamba hare katak moris iha risku ne’e barak liu iha aldeia iha suku risku ne’e no uma balu mamuk maibé iha pesoal balu moris iha ne’eba tamba ne’e halibur joven feto no mane, no ba iha xefe suku xefe aldeia bainhira iha ita nia joven feto mane mak halibur hamutuk iha kos tenki hase sira e hatene didi’ak situasaun sira iha aldeia ne’e,” Nia Relata
Prezidenti Informa tan katak, banhira ema foun ruma tama iha kos ho kalan tenke identifika fó hatene ba autoridade xefe suku xefe aldeia sira atu servisu hamutuk atu salva joven sira husi risku virus HIV-SIDA ne’e .
” Sempre fó koragen ba joven feto sira buat ida kaben feto ida ho mane ida moris hamutuk ho sexu ne’e ohin la halo mós aban rua sei halo, tamba moris mai iha mundo ne’e hala’o duni buat ida ne’e kestaun maromak nian e sexu feto nia no mane nia ne’e kriasaun maromak nian kestaun de utilizasaun ne’e mak ita koalia, tamba ne’e enkorajen ba joven sira liu-liu ba joven feto sira la bele identik ita nia vida tomak ho kondong folin 50 dolar ne’e kestaun de gostu de’it, hanesan feto ida loro-loron tenki moris hamutuk ho mane truka malu uja kondong hetan 50 dolar ne’e senti halo nusa,” Hakotu Prezidenti INSCIDA Daniel Marçal
Estajiada: Esperanca maia
Editora: Gaudencia Belo
