(Díli) Mudansa- Xefe Gabinete Relasaun Externa no Komunikasaun (Sigla Portugues GREC),Cesario da Silva Marques hatete, hahu iha loron 16 to’o 23 Setembru durante semana ida nia laran, iha teritóriu Timor-Leste akontese tipu dezastre ne’ebé mak CNOPC-APC rejista hanesan, ema hafetadu hamutuk 181, Uma estragus (32), Anin sobu (31), Ahi han (1), Mate (1), (Kanek 2).
“ Numeru Ema afetadus (181), liu-liu iha Munisípiu sira hanesan tuir mai ne’e Munisípiu Atauro (Anin sobu uma 1) Munisípiu Baukau (anin sobu (27), Munisípiu Covalima (anin sobu (1), Munisípiu Dili (Anin sobu uma 2, ahi han uma 1), Munisípiu Viqueque (Lakon vida (1), (Kanek 2),” dehan Xefe (GREC), ba jornalista sira liu husi komunikadu Imprensa, iha APC Kaikoli, Díli, segunda (23/09/2024).
Nia afirma, Comando APC Munisípiu ho Parseirus Relevante fornese asistensia emerjensia ba família afetadu sira mak hanesan Ai-han no la’ós Ai-han (food item & Non-food Item).Komandu Operasionál Autoridade Protesaun Sivil (APC) Munisípiu sira sei kontinua halo hela levantamentu detaillu kona-ba sasan ne’ebe estragu no lakon.
Nia explika tan, iha Munisípiu Viqueque Postu Uatu-carbau Suku Bahatata, Aldeia Neluwal, iha loron 18/09/2024 akontese mota lori Labarik nain 3 labarik nain 2 konsege salva, maibé vitima ho naran Nelvia da Cruz Idade tinan 7 lakon vida nia isin mate hetan fali iha dia 21/09/202, Iha tuku 15:00 Loro-kraik.
“Husu ba komunidade sira labele la’o sai ba fatin risku sira no labele husik labarik sira ba mota ninin, labele husik labarik halimar besik iha besin Rin no mós husu ba inan aman agrikultura kuandu udan no anin bo’ot labele ba ona to’os ho natar no labele koko hakur mota bainhira udan bo’ot,”relata nia.
Aleinde ne’e, Vitima Sira ne’ebé hetan ona apoiu Sira Simu Ona Apoiu Emergensia hamutuk 3012 no Seidauk Simu Apoiu Emergensia 31 ho Total Família Afetadus hamutuk 3043.
Jornalista:Ana Ribeiro
Editorá:Delfina Borges
