(Dili) Mudansa – Prmeiru Ministro Taur Matan Ruak hamutuk ho Ministru Ministeriu Edukasaun Juventude Desportu (MEJD) Armindo Maia simbolikamente inaugura projetu komunitária ba konstrusaun eskola 59 territóriu nasionál ,ne’ebé reprezentante husi Eskola Sekundaria Geral Dom Martinho da Costa Lopes iha munisípiu Bobonaro postu Maliana suku Holsa.
“Hau kontente ohin mai iha fatin hodi halo inaugura ba ESG Dom Martinho Maliana no mós halo lansamentu fatuk dahuluk eskola báziku sentrál Memo Maliana Vila hamutuk 59,” dehan Taur Matan Ruak hafoin inaugura ESG Dom Martinho Maliana, Bobonaru, segunda 17/04/2023.
Primeiru ministru Taur Matan Ruak esplika, iha tinan 2023 governu esforsu hodi halo kompleta fasilidade eskola, kadeira, meza, no biblioteka hodi fasilita estudante sira hodi asesu ba edukasaun ne’ebé dignu hodi kompete iha futuru.
Nia afirma, kontinuasaun sei hadi’a infraestrutura báziku, rekruta profesór kontratadu ba permanente no hadi’a fasilita eskola kria laboratóriu foun, harii hariis fatin no halo kozina hodi hein hahán merenda eskola iha territóriu laran tomak.
Nia dehan, estudante iha eskola rurais hasoru dezafiu barak maka hanesan menus fasilidade kadeira no meza laiha entaun obriga estudante sira tuur iha rai hodi tuir prosesu aprendizajen iha sala laran.
“Oitavu governu nafatin esforsu kria kondisaun di’ak iha setór edukasaun liu husi liu husi MEJD, Hau hakarak iha mandatu tenke hadi’a infraestrutura báziku no kria fasilidade ne’ebé di’ak nune’e tinan 10 mai ita bele kria nesesidade liu husi eskola ba estudante sira”, PM esplika.
Iha fatin hanesan Ministeriu MEJD, Armindo Maia hato’o agradese ba prezensa primeiru ministru Taur Matan Ruak nia hodi inaugura konstrusaun edifísiu no reabilitasaun ba segunda faze ba eskola 59 iha territóriu Timor laran tomak.
“Onra no priviléjiu boot mai ha’u atu hato’o ha’u-nia benvindu no agradese ba prezensa Primeiru ministru, Hafoin inaugurasaun primeira faze konstrusaun no reabilitasaun eskola hamutuk 99 iha loron 26 janeiru. 2023 iha Gariwai Maucale Baucau maibé MEJD kontinua esforsu hodi kompleta obra iha timor laran,” katak MEJD.
Nia haktuir iha segunda faze hodi inaugura eskola 59 husi eskola 59 ne’e ita reabilita ona totál sala hamutuk 191, hariis fatin hamutuk 36 sala de professores hamutuk 21 eskritóriu hamutuk. 6 Dapur 8 laboratóriu no IT 2 no moru hamutuk 2.
Orsamentu ne’ebé ezekuta hodi halo obra ne’e serka 6.4 milloens dolares iha munisípiu Bobonaro ne’e rasik MEJD konklui ona konstrusaun no reabilitasaun eskola hamutuk 11 husi totál eskola 21 ne’ebé projetu Ba segunda faze ohin hatudu ona.
Jornalista : Domingas Viana
Editór : Orlando Magno
