Luta Ba Sidade Moos, Vicky Prodús Mákina Sunu Lixu La Iha Suar

banner 120x600

(Dili) Mudansa – Vicky Gabriel Joven kreativu ida ne’ebé durante ne’e iha vontade ne’ebé esperansa hodi luta ba sidade nia moos (Bersih) tanba ne’e nia prodús mákina ida hodi sunu lixu maibé la iha suar atu impaktu ba ema seluk nia saúde.

Vicky Gabriel informa, Prosesu luta ba  ambiente saudavel ne’e la fasil tanba ema barak hela iha sidade Dili balun la iha konsiénsia atu soe lixu iha nia fatin, maibé Vicky nunka lakon esperansa atu luta ba sidade moos.

Nia konta, iha tinan 2018 Vicky envolve an iha grupu “LBAS” ne’ebé  harii husi joven feto ida ho naran Maria do Seu objetivu atu luta ba ambiente saudavel.

“Momentu ne’ebá ha’u-nia parte halai liu ba tékniku hodi prodús mákina ho naran injenarator, mákina ne’e nia funsaun atu sunu lixu sira maibé la prodús suar,” Dehan Vicky Gabriel ba Media Mudansa iha nia knaar fatin Dili, Sexta, 18/03/2023.

Nia haktuir, bainhira grupu “LBAS” Lala’o ka paradu  Vicky kontinua prodús nafatin mákina ida ho eskala ne’ebé ki’ik hodi bele sunu ai-moruk fatin, no harii tan grupu ida ho naran Conservation of Enviromant Timor-Leste (ACTL) grasa deus grupu ne’e hetan ona apoiu husi PLAN internasionál.

Vicky Gabriel joven ne’ebé prodús mákina Injenerator suku lixu la iha suar.

“Ami nia objetivu prodús mákina ne’e atu fasilita funsionáriu sira iha Instituisaun privadu no públiku nune’e bele hamenus lixu iha sidade Dili tanba dala barak lixu sira iha Tibar maioria husi Sidade Dili tan ne’e ami prodús mákina injenarator hodi fasilita Funsionariu sira bele arruma hamutuk tau iha mákina sunu kedas,” Vicky deklara.

Vicky afirma, maski dadaun ne’e atividade sira paradu ka la la’o maibé nafatin mosu ideias inovativu no kreativu, hakarak hamenus lixu ne’ebé namkari iha sidade Dili hodi estraga ambiente no ema nia saúde.

“Ami konsege prodús tan mákina ho eskala ne’ebé natoon nune’e iha Edifisiu sira bele uza tanba agora ami konsege tau ona mákina ne’e iha ospitál boot Aileu, funsaun atu sunu ai-moruk nia fatin no mós bele sunu ai-moruk ne’ebé expair,” Nia esplika.

Aleinde ne’e, Vicky iha ideias ida kona ba transforma lixu ba sasán uzadu hodi hetan osan uitoan tanba agora nia halo nia halo tan atividade transformasaun lixu ba sasán importante.

“Ami nafatin iha hanoin muda mai iha arte nune’e transforma fali lixu ba kreativu ruma hodi ami mós hetan income, tanba arte hanesan tour ida ne’ebé bele uza advokasia sosiál, entaun obras ne’ebé ha’u halo liga mós ba problema sira akontese hanesan lixu plástiku ne’ebé ema neon-laek sira soe ami hili fali hodi prodús buat foun,” nia Akresenta.

Enkuantu iha biban ne’e mós nia halo kooperasaun ho Labarik ki’ik sira hodi halibur lixu sira hanesan plástiku no ákua matan lori ba uma depois mak transforma lixu ba produtu seluk.

Estajiadu : Julio da Costa

Editór       : Orlando Magno

banner 325x300