(Dili), Mudansa – Teton’s Caffe Dalan Ninin Okupa Segundu Lugar Iha Kompetisaun Negosiu Inovativu ba periodu 2022 ne’ebé organiza hosi Ministeriu Turismu Komeresiu Industria (sigla Protugues MTCI) parseria ho United Nation Development Programe (UNDP) ho totál orsamentu dolar 6,550.00, kompostu hosi totál osan ba segundu lugar no osan proposta.
Hosi atividade kompetisaun ne’e, manan nain dahuluk hetan $ 2250,00, segundu lugar $ 1500.00 no terseiru lugar $ 1250.00. Orsamentu ba proposta hotu ne’ebé hatama husi kada negósiu ho totál $ 95,000.00. Orsamentu ne’ebé governu ho nia parseiru dezenvovimentu aloka ba kompetisaun daruak hamutuk $ 100,000,00.
Tuir manager Teton’s Caffe dalan ninin Levinho Moniz Cula Guterez afirma, sente orgullu tebes wainhira hetan oportunidade hodi okupa segundu lugar iha kompetisaun ne’e, maibé ne’e la’ós finál, maibe planu ba oin sei realiza tan mehi ne’ebé maka durante ekipa Teton’s Caffe dalan ninin tau iha prioridade.
“Sente orgullu no atu tanis tanba ho ami nia esforsu durante tinan rua nia laran, la’ós tanba orsamentu deit, maibé orgulhu no kontenti tanba ho konseitu no planu ne’ebé ami iha kosege lori ami ba segundu lugar,” hateten manajer tetons caffe dalan ninin Levinho moniz Cula Guterez iha Kaikoli Dili, (foin lalais ne’e).
Nia deklara, durante negosiu ne’e la’o, problema barak mak ekipa hasoru maibé ne’e la’ós atu hamate sira nia vontade ba servisu iha area negosiu nian. Ho espiritu ne’ebé mak bo’ot bele hasoru problema sira ne’e hodi ohin loron hetan oportunidade iha kompetisaun ne’e, koloka an segundu lugar ba kompemetisaun negosiu inovativu daruak.
“Dalaruma ami osan la to’o maibé ami halo kreditu hodi foti risku ba ami nia a’an rasik, hodi bele kontinua ami nia bisnis. Ho resultadu progressu servisu ne’ebé bo’ot halo ema barak koiñese ami nia fatin, iha tempu hanesan, ami agardese ba apoiu ne’ebé mak governu ho parseriu sira oferese,” Nia esplika.
Nia esklarese, mehi bo’ot ne’ebé maka ekipa Tetons Caffe dalan ninin atu realiza iha fututru mak alarga fatin negosiu nian no prepara hahan ba konsumidór sira ne’ebé mak ho kualidade di’ak no fresku, hosi apoiu ne’ebé guvernu oferese hanesan fó hodi kompete iha negosiu invativu sira seluk inklui mós loke oportunidade ba joventude sira hodi hamenus numeru dezempregu iha Timor-Leste.
“Husi apoiu ne’ebé ami hetan, ba futuru ami sei loke negosiu ne’e sai bo’ot liu tan, tanba mehi atu kompleta bebidas ka hahan ba konsumidores ho sufisiente, no mós preprara fatin ne’ebé maka di’ak ba kliente sira iha ambiente furak. Ami mós sei halo delivery ba konsumidór sira ne’ebe mak hakarak halo orderan ba ami nia produtu sira,”Nia hakotu.
Jornalista : Manuel Andrade
Editór : Azelio da Cruz
