(Aileu)- Remexio- Institutu Nasional de Combate ao HIV-SIDA, Institutu Públiku (sigla-INCSIDA, I.P) halo kampaña no sensibiliza informasaun ba estudante sira iha eskola Sekundaria Katolika São Jose Operario Remexio, Postu administrativu Remexio, Munisipiu Aileu, Hodi Combate Problema transmisaun virus HlV/SIDA.
Presidente INCSIDA I.P Daniel Marçal hatete, estudante sira presiza hatene informasaun, nune’e bele hado’ok a’an husi hahalok risku sira, dala barak problema transmisaun virus HIV envolve maka’as husi joven sira, tamba failla kontrolu a’an enkuantu joven sira laos failla iha konesementu, maibé la iha konsiensia.
“ita tenke halo sensiabilizasaun ba estudante sira nune’e bele reduz kazu ne’ebé akontese iha nasaun ida ne’e, kada tinan kazu HIV sempre sae hela deit, tamba estudante ka joven sira failla informasaun, tamba ita nia joven barak lakon vida tanba la’os laiha koñesimentu maibe konsiensia maka la iha, sira hanoin relasaun seksuál ka sexu livre ba sira ne’e hanesan oportunidade maibe atu hakarak enkoraza joven no estudante sira, kuidadu imi nia moris hodi labele envolve a’an iha hahalok sira ne’ebé monu ba risku.”Dehan Presidente INCSIDA I.P Daniel Marçal iha eskola sékundaria Katolika São Jose Operario Remexio, foin lalais ne’e.
Nia esplika, liuhusi kampaña no sensibilizasaun informasaun ohin loron hanesan maneira ida atu hasa’e koñesimentu estudante sira nian nune’e bele evita a’an husi problema transmisaun virus HIV nune’e hodi bele reduz numeru kazu ne’ebé sae bebeik iha Timor-Leste.
“ Alin Joven sira, kuidadu imi nia a’an ho hahalok risku sira ne’e, namora karik labele tama iha hahalok ne’ebé risku, sei namora malu lalika hanoin deit kona ba halo relasaun seksuál, maibé namora malu oinsá atu motiva malu hodi fó esperansa ba malu iha futuru ne’ebé brilante tamba moris hamutuk isin rua, HlV kona para eskola, ne’e se mak sofre ? tamba ita haree inan-aman sira investe osan ba imi ne’e liuhosi prosesu ne’ebé la fasil, espera liuhusi sensiabilizasaun informasaun refere bele sai bukae ida ba imi iha futuru oin mai hodi hadook an husi problema transmisaun virus HIV .” Dehan Presidente INCSIDA I.P Daniel.
Adjuntu eskola sékundaria Katolika São Jose Operario Remexio, Avelino da Silva, orguilu ho Institutu Nasional de Combate ao HIV-SIDA, I.P (sigla-INCSIDA), ne’ebé halo sensibiliasaun informasaun ba estudante sira nune’e estudante sira bele prevene sira nia a’an husi transmisaun virus HIV.
“Orgullu tebes ho programa INCSIDA, sira nia vontade hodi mai partilla informasaun sira relasiona ho problema ne’ebé daudaun ne’,e ita enfrenta hela, dalabarak kazu ne’ebé sae falla husi koñesementu pesoal sira nia nune’e hakarak envolve a’an husi atividade risku sira ne’e ” nia hatutan.
Entretantu sensiablizasaun informasaun ne’e hetan partisipasaun maximu husi husi Diretora Nasional Programa Promosaun Prevensaun e Komunikasaun Angelica da Costa Oliveira no xefe kordenador sira inklui Diretor Sentru saúde Aileu, estudante sékundaria Katolika São Jose Operario Remexio no Manorin sira.
Jornalista :Francisco Pereira
Editor :Sandi Bello
