(Díli) Balide– Amo Parokia Balide Pe. Angelo Salsinha hatete, rai ne’e prioridade ba sarani hotu-hotu tanba ne’e husu ba família matebian Suzy ho haraik a’an atu koopera ho misaun tanba fatin ne’ebé sira hela ne’e misaun nian.
“Ita hatene katak buat ida akontese da-daun ne’e prosesu uluk tinan sanulu hanesan ne’e no Padre Eduardu nia tempu ne’e tau matan hela ba matebian Suzy ne’e uluk kedas servisu hamutuk ho uma kreda ho Padre sira ida uluk ne’e mak hodi fó fatin ba matebian ne’e hodi hela iha fatin refere no ema ne’e joven no rai ne’e fó atu halo nia traballo ruma iha ne’eba bainhira nia mate ona sasan ne’e igreja nian”, dehan Pe.Angelo Salsinha ba jornalista Média Mudansa iha nia kna’ar fatin Balide. 31/07/2025
Pe, Angelo hatutan, iha moru laran ne’e fatin uma kreda nian la’os ema atu hela permanente no nia mós la iha oan ne’e tuir lolos fó fali fatin ba uma kreda no la’os família ba okupa fali fatin no hela metin tiha de’it iha fatin ne’e no tinan (10) ne’e halo mediasaun oin-oin atu sira sai no buka dalan ba sira atu sai, maibé sira tenki buka rai para bele ajuda ou tulun maibé ko’alia fó ajuda osan oituan mós sira lakohi no hela nafatin de’it.
“Iha komunidade ne’ebé okupa fatin misaun nia la hatene agradese no fatin refere ne’e ba sarani katólika balide la’os priodade ba ema ida de’it no sarani balide hamutuk quatru tres mill (4.3000) tanba ne’e fatin ba sarani sira hotu-hotu hodi bele utiliza fatin hodi aktividade uma kreda nian”, nia informa
Nia hatutan iha parte komunidade balun hasai lia-fuan ne’ebé la di’ak ba Pe.Angelo Salsinha ne’e Amo la tau kestaun ba lia-fuan sira ne’e no emosaun halo buat ne’ebé lalos ne’e normalmente nafatin eduka sarani no responsabilidade ba sarani sira hotu espontaniamente ne’e sai kuandu halo buat ne’ebé di’ak ne’e hasai lia-fuan di’ak ne’e laiha problema ba nia maibé labele hasai lia-fuan a’at.
“Ba uma kreda ne’e la iha problema buat sira ne’e hotu problema emosionál ba situasaun hanesan ne’e, maibé ne’e responsabilidade atu eduka ami nia sarani sira atu komprende, sira ne’e ita la lakon buat ida no ita tenki kompriende eduka nia neneik hodi simu realidade sira no halo buat ne’ebé lo’os no halo buat ne’e hotu tanba sarani sira nia di’ak”, nia hatete
Aliende ne’e husi parokia mós hakarak fó ajuda ba matebian Suzy nia família ho orsamentu sinku mill (5000) ba sira hodi bele halo sira nia fatin ka uma iha sira nia rai, no la bele okupa fali rai misaun nian tanba rai ne’e ema barak nia no sarani Balide sira nian.
Iha fatin sorin seluk, Xefe Aldeia 12 Novembro José António Soares Cabral hatutan, tempu uluk iha Pe.Adriano nia tempu kedas halo mediasaun ba fatin ne’e, fatin ne’ebé família matebian Suzy hela ne’e la’os governu nian no la’os kompañia nian ne’ebé hodi halo tuir fali sira nia hakarak no fatin ne’e sarani lubuk ida la bele halo fatin ne’e sai fali privadu.
“Primeiru Amo Adriano nia tempu ne’e ami tur hamutuk hodi ko’alia Suzy nia fatin ne’e no Suzy mate tiha família matebian mai hela fali iha fatin ne’e no sira ezije Amo sira atu fó kompensa (ganti rugi) maibé Amo sira dehan buka fatin mak sira ajuda orsamentu oituan hodi halo fali uma hodi tau sasan matebian nian, maibé ikus mai família ne’e buka fatin la hetan no sira kontinua hela, mai fali iha Pe.Angelo nia fatin ne’e ami tur hamutuk dala tolu (3) tan mós nafatin hanesan ne’e de’it la iha solusaun no Amo sira nafatin fó hanoin ba família matebian nian katak imi buka meius nusa hodi lori sai sasan hirak ne’e tanba fatin ne’e Igreja nian”, hakotu xefe aldeia
Jornalista: Maya Luanda/ Inacio Silva
Editora: Gaudencia Belo
