(Díli) Palacio Governo- Negosiate ambulante Julio Sila, husi região administrativa espesial Oé-cusse Ambeno, ho idade sanulu resin neen 16 hala’o negosiu rasik hodi ajuda nia familia uma laran maske hahú ho osan ne’ebé ki’ik maibé nia esporsu a’an hodi fa’an pentolan hodi ajuda ba ekonomia uma laran nian.
“Ha’u hakarak halo negosiu atu bele ajuda ba iha nesesidade uma laran nian, tamba osan ne’ebé ha’u uja hodi halo negosiu ne’e ha’u hetan husi familia sira mak fó to’o $10 dolar ida ha’u uja halo negosiu too ohin loron”, sehan Julio Sila ba Jornalista Media Mudansa iha tasi ibun Palacio Governu, Quinta, 17/07/2025
Negosiante ne’e hatutan, nia halo negosiu ida ne’e hanesan motivasaun ida ne’ebé motiva tebes nia hodi halo negosiu ne’e mak bainhira nia hare ekonomia iha uma laran menus tebes tan ne’e nia buka alternativu ida halo negosiu ne’e atu bele ajuda mós ekonomia uma laran nia.
“Motivasaun ne’ebé motiva tebes ha’u atu hili dalan negosiu ne’e mak bainhira ha’u hare ekonomia uma laran menus tebes, no ha’u nia maun ho bin sira eskola hotu tan ne’e ha’u tenke buka dalan negosiu atu ajuda fali ama sira iha uma no bin ho maun sira nia eskola, dalan ida mak ha’u tenke sai eskola atu bele halo negosiu ne’e ho di’ak ha’u hetan osan husi ha’u nia familia sira, osan ne’e ha’u rai hamutuk mak bele uja fali ba negosiu ne’e”, nia afirma
Nia hatutan maske osan ne’ebe nia hetan husi negosiu ne’e minimu tebes no kada loron hetan ho $20 dolar to’o dolar $30 dolar ida ne’e hodi fahe fali ba iha sosa sasan atu fa’an no balun ajuda ba uma Laran nian.
“Osan ne’ebé mak ha’u hetan iha ha’u nia negosiu ne’e ha’u sei fahe balun ba sosa fali sasan ne’e ha’u uza halo pentolan nian no balun ha’u tenke haruka ba iha ha’u nia ama ho apa sira atu sosa hahan fó mmós ba ha’u nia bin maun sira ne’ebé mak eskola hela, kada loron mak ha’u hetan de’it $20 Lae $30 dolar ida ne’e mós depende fali ba ha’u nia sorte karik sorte di’ak ita bele hetan hnesan $30 dolar ne’e lae mak to’o $20 Dolar”, hakotu nia
Estajiadu: Pedro klau
Eeditora: Gaudencia Belo
