Forsa Aérea Ukránia nian fó sai ona “balístika sira iha Kyiv”, tanba medida sira defeza aérea nian ativa ona iha sidade kapitál.
Prefeitu Kyiv nian, Vitaly Klitschko, hatete katak ema na’in tolu hetan kanek iha atake sira ne’ebé hala’o dau-daun, iha kalan. Nia hatete iha post ida iha Telegram katak drone rusu sira “tama iha sidade” no husu ba ema sira atu “hela iha abrigu sira”.
Husi sira ne’ebé kanek, na’in rua tama iha ospitál no ida hetan tratamentu iha fatin, Klitschko hatete iha atualizasaun ida.
Prefeitu hatete katak médiku sira “la’o ba fatin akontesimentu” iha post ida uluk iha Telegram hafoin atake sira hahú.
Via sira metro nian entre estasaun rua iha Kyiv hetan estragu hosi atake sira, maibé laiha inséndiu ka vítima sira, hatete hosi xefe Administrasaun Militár Sidade Kyiv nian, Timur Tkachenko, liuhosi Telegram.
Nia hakerek iha post ida uluk katak sidade ne’e iha “atake kombinadu” nia okos.
“Ami nia kálkulu sira defeza aérea nian halo buat hotu ne’ebé posivel. Maibé ami tenki proteje malu! Mantein seguru”, Tkachenko hatete.
Forsa Aérea Ukránia nian mós relata misil kruzeiru sira ne’ebé maka dirije ba Lutsk, Chernihiv, Lviv, no rejiaun sira Rivne nian iha Ukránia besik tuku 4:30 dader oras lokál Ukránia nian.
Antes ne’e iha relatu preliminár sira katak “edifísiu aas ida hetan xoke” iha Chernihiv, sidade ida iha nordeste Kyiv nian, xefe Administrasaun Militár Sidade Chernihiv nian, Dmitry Bryzhynskyi, hakerek liuhosi Telegram.
“Sidade ne’e agora dau-daun hetan atake,” Bryzhynskyi hatutan.
Fontes: ABC News
