(Dili) Mudansa- Tuir Porta-Vóz Agustinho Da Costa Belo ,L.Ed hateten, Profesór sira prontu atu kompete Fila fali vaga konkursu públiku ne’ebé mak Ministeriu Edukasaun loke. Prontu mós atu obedese regras ne’ebé governu iha.
“Ami konkorda ho Konkursu públiku ne’ebé mak Ministeriu prepara hela no ami mós komesa prepara dokumentu sira atu submete ba parte relavante ne’ebé mak simu dokumentu, ami prontu atu kompete, kestaun manan ka lakon fila fali ba ida-idak nia matenek kapasidade no profisaun prontu atu kompete no la’o tuir regras hanesan Ministra Edukasaun no mós primeiru Ministru ne’ebé ko’alia ona.” Dehan Porta-Vóz Agostinho Da Costa Belo,L.Ed ba jornalista sira liu husi Konferensia Imprense ne’ebé realiza iha Largo Lecidere Dili,(29/01/24).
Porta-Vóz ne’e esplika, lolos ne’e sira partisipa hotu iha Konferensia Imprensa ne’e, tanbà ohin loron dahuluk ba submete dokumentu iha INFORDEPE tanba ne’e mak maioria la marka prezensa iha fatin ne’e.
“Profesór barak mak submete dokumentu sira, maski menus partisipasaun atu halo Konferensia, maibé sira prontu tuir teste, ba reklamente ho Profesór kontratadu iha tinan 2023 iha loron 31 fulan dezembru ne’e kontratu mak termina ka hotu ona, loke konkursu publika ne’ebé iha ami bele kompete fila fali karik iha oportunidade,ami bele servisu fali nu’udar Profesór karik la liu ida ne’e la’os sorti ba ami ohin deit,maibe sei iha oportunidade no tempu seluk.Tenik Porta-Vóz.
Porta-Vóz Agostinho subliña sira prontu la’o tuir regras husi Ministeriu Edukasaun ba nia kelega sira ne’ebé mak lakoi tuir ne’e sira nia Direitu.
“Timor-Leste ne’e Demokrasia ne’ebé fila fali ba idak-idak nia an ami sira ne’ebé mak agora mai ho nivél Lisensatura no mós Baicharelatu, kolaga balun ne’ebé mak reklamente mai husi Lisensatura no Baicharelatu, maibé sira hotu reklamadu,”Dehan Porta Vos Agustinho
Nia akresenta, Voluntariu iha tinan 2014 naran la sai iha tinan 2023, sira ne’e sai Reklamente no sira ne’ebé mak mai ho nivél Esnisu Sekundaria bele assina kontratu,tanbà ne’e mak irregularidade ne’ebé mak Primeiru Ministru ho Ministeriu Edukasaun resolve atu nune’e tenki la’o tuir regras no servisu hamutuk ho Funsaun Públiku.
Ba Profesór sira ne’ebé mak Nivél Ensinu Sekundariu nu’udar Profesór fo hanoin malu oinsa atu hakbesik ba Ministeriu Edukasaun nune’e kompitensia Ministeriu Edukasaun mak hatene, maibé bazeia ba Lei artigu 29 ne’ebé hateten katak bainhira sai manorin nain minimu baicharelatu no masimu Lisensatura, entaun meius ida mak hakbesik an ba Ministeriu Edukasaun ko’alia Etika Profisional atu nune’e sira bele konsidera ne’e kompetenisa Ministeriu Edukasaun no mós Primeiru ministru.
“Profesór/a sira initiativa rasik la’o tuir atu kompete, tanbà ami lakoi atu hola parte 100% envolve iha manifestasaun ka kontra Ministeriu Edukasaun no mós primeiru Ministru nia regra. sira ne’ebé la kompete sira nia Direitu sira ketak ami ketak, tanbà ne’e mak sai grupu rua no Demokrasia hatudu momós.”Nia hakotu
Estajiada : Marcelina Da Siva Sarmento
Editornn : Delfina Borges
