(Dili), Caicoli, 19/05/2026 – Tuir negosiante Joaninha Madeira, ho idade 18 , husi Munisípiu Ermera, nia konta istória kona-ba bainhira nia deside husik hela família iha Ermera no tun mai Dili ho objetivu atu kontinua eskola maibé, tanba kondisaun ekonomia família nian la suporta, nia hili dalan atu ajuda ema fa’an bakso hodi hetan osan uitoan atu bele selu nia eskola no kontinua realiza nia mehi.
Maske la simu osan ne’ebé bo’ot maibe, Joaninha hatudu nafatin espíritu servisu no responsabilidade bo’ot atu ajuda família no kontinua eskola, loron-loron nia fa’an bakso no konsidera atividade ne’e hanesan parte importante ida husi nia hodi ajuda nia nesesidade moris.
“Ha’u senti katak atividade fa’an bakso ne’e mai hu’u buat normal tebes no sai parte importante tebes ba iha ha’u nia moris loron-loron”,
dehan Joaninha Madeira iha Caicoli, 21/05/2026.
Nia hatutan rendimentu ne’ebe nia hetan maske la sufisiente maibe nia konsidera katak bele hamenus ona problema balun nebe nia hasoru.
“Rendimentu ne’ebé ha’u hetan husi fa’an bakso kada loron bele hetan to’o US$50, depende ba vendador Sira no situasaun lorloron,” hatutan Joaninha.
Nia mos salienta tan katak rendimentu ne’ebé nia hetan bele ona ajuda nia inan-aman atu no suporta alin sira no selu mos nia nia eskola
Ispirasaun husi Joaninha Madeira nian sai ezemplu ba jovem sira katak esforçu, determinasaun no kriatividade bele sai dalan ida atu hasoru dezafiu ekonomia. Maske dok no tenke husik família iha foho, nia la hakmatek atu luta hodi hetan rendimentu no kontinua realiza nia mehi iha área edukasaun.
Jornalista /Estajiada : Sandra/ Dina
Editor : Ana Maria da Silva
