(Dilí) Mudansa –Estudante Universidade Nasionál Timor-Leste (UNTL), Departamentu Administrasaun Públika, António Quelo hatete, haree ba lixu namkari iha Jardin iha Dili konklui katak, ema barak seida’uk iha konsiensia no kompriensaun ambiente saudavél
Iha jardin ne’ebé mai ho nia ambiente moos, ema deskoñesidu sira lakon konsiensia bainhira hemu tua ka alkohol, Sprite, ABC, bintang Nia lata sempre soe lekar iha jardin laran.
“Ita nia mentalidade hanesan ne’e estraga ambiente jardin no imajen kapitál, difisíl atrai ema estranjeiru ka turista sira vizita nasaun ida ne’e, tanbà haré ba lixu namkari iha Jardin Dili. Ema barak Seida’uk iha konsiensia kompriensaun no ema deskoñesidu hemu tua alkohol lata Sprite, lata ABC, lata bintang soe naklekar iha jardin laran,” dehan estudante UNTLAntónio Quelo, bá jornalista Média Mudansa iha Largo Licedere, Kinta-Feira (18/07/24)
Estudante ne’e husu, parte relevante sira kontrola didi’ak servisu ne’ebé importante liu ba asuntu lixu no problema seluk akontese iha komunidade sira, konfiansa bá emprezariu sira, tuir tarjeitu akordu ne’ebé deside iha kompetensia hala’o servisu lor- loron nian.
“Lixeiru (fatin lixu), iha fatin turizmu ne’e barak, vizitantes mai vizita iha fatin ne’e la iha konsiensia atu soe lixu iha fatin lixu ne’ebé prepara ona, simples de’it Aqua mamuk, plastiku, botir no sira seluk,” Nia subliña
Estudante ne’e husu bá komunidade sira no negosiante sira presiza kontribui bà sidade sai moos no furak, soe lixu iha lixeiru ne’ebé prepara ona iha fatin públiku.
Iha fatin hanesan estudante Universidade Da Paz (UNPAZ), Amelita Nunes Cardoso mós hatutan, vizitante sira soe lixu arbiru de’it sei fó impaktu bá ema nia saúde, tanbá agora moras ba hospitál ai-moruk laiha, tanba ne’e lixu soe tuir nia fatin.
“Ha’u husu maluk estudante sira mai halo tugas grupu karik han hotu hamrik ba soe lixu iha lixu fatin no mós bá vizitante sira hotu lori oan sira mai halimar iha jardin karik, no buka anin iha jardin hotu han ka hola buat ruma, lixu ne’e ba soe iha lixu fatin.”estudante Amelita Nunes Cardoso hakotu
Jornalista:Ana Ribeiro
Editorá. :Delfina Borges
