(Dili) Mudansa–Vise-Primeiru Ministru (VPM), Ministéru koordenadór Asuntu Sosiais (MCDAS), Ministru Desenvolvimentu Rurál no Abitasaun Komunitaria (MDRHK), Mariano Assanami Sabino husu sosiedade hotu tenke kompriende Ministéiru Saúde (MS) tanba Ministéiru koordenador prontu fó apoiu hodi fóti desizaun ne’ebé nessesariu hodi hatan ba polemika aimorik hodi bele la’o di’ak fali.
Iha Vizita Vise-Premeiru, Ministru Mariano Assanami Sabino mai iha ne’e hanesan kondernador hare liu ba asuntu sosiais kontinua halo monitorizasaun no avaliasaun ba aktividade, konsiente mós katak sosiadade barak ko’alia konaba mortuariu HNGV ne’ebé nakonu ho isin mate no stock ai-moruk hotu ne’ebé fahe ba kategoria ai-moruk ho karakter vitál, ensensiál no nesesariu.
Hare husi estandarizasaun ai-moruk tenke iha, liuliu kategoria vitál ho esensiál sira ne’e iha ona mekanismu hodi kontatu ho apotík sira iha liur, no mós sei ko’alia kompañia para oinsa tuir duni akordu ne’ebé ministéiru halo ho sira atu nune’e ai-moruk bele tama ho regular.
“Hanoin katak sosiedade sira hotu mós tenke kompriende Ministéiru Saúde ne’e vitál tebes tanba ne’e mak hanesan Ministériu koordenador atu fó apoiu ba sira para bele fóti desizaun sira ne’ebé nessesariu para funsionamentu iha Ospitál bele la’o ho di’ak no normal. Ita iha Ospitál ne’ebé gratuitu maibe ida ne’e úniku Ospitál ida ne’ebé fó esperansa ba moras sira atu di’ak fila fali,” Dehan Vise-Premeiru Ministru Mariano Assanami Sabino ba jornalista sira iha resintu HNGV, Dili Tersa , 16/01/2024
Governante ne’e mós konsiente setór saúde no edukasaun sai elementu rua ne’ebé importante tebes ba rai ida ne’e edukasaun mak eduka oan sira no jerasaun futuru hodi lori nasaun ne’e ba oin. Matenek atu lao di’ak ne’e presija sira nia saúde ne’ebé di’ak.
“Tanba ne’e ema ne’ebé servisu iha area edukasaun ho saúde ne’e nu’udar vokasaun ka pangilan la’ós mai buka servisu, hanesan servisu nu’udar doútor ne’e pangilan ka vokasaun,” Nia relata
Vise-Premeiru Ministru ne’e mós apela katak, servisu hotu-hotu tenke kumpri totalidade ba estadu. Partidu ka organizasaun ne’ebé de’it bainhira asumi ona responsabilidade kna’ar ba estadu tenke estadu ba ema hotu.
“Partidu hotu mós tenke labele interven servisu liu-liu ba governante profisionál sira mak servi ba povu, ita hotu tenke hatene katak ita nia estadu ne’e sosa ho 300 mil pesoas mate mak rai ne’e atu hamrik tanba ne’e mak partidu hanesan instrumentu kuandu kaer estadu tenke eduka didi’ak para servi eatadu,” Nia Afirma
Governaten ne’e hatete tan katak, Partidu bele lakon maibé sidadun lalakon ema hotu tenke dedika nafatin. Partidu ne’e instrumentu ki’ik ida para bele hakat liu instrumentu ne’e hodi ba kaer estadu, tanba nasaun demokratiku la’ós partidu mak atu servi estadu maibé estadu mak atu servi nia ema hotu.
“Ita nia Ospitál ne’e Ospitál la’ós ruma sakit, ruma sakit mak fatin ema moras maibé Ospitál ne’e katak fatin ema mai para kura moras hosi sai di’ak, tanba ne’e etika servisu ba moras ne’e importante hahu kedas ne’eba to’o kurativu ne’e lakon,” hakotu nia
Jornalista : Gaudência Belo
Editór : Veraka
