(Dili) Mudansa – G⁷+ liu husi internasionál observasaun ba rezultadu preliminariu ba eleisaun Parlamentar (ElPar) la’o diak tebes iha Munisipiu Tolu (3) hanesan Dili, Manatutu,no Liquisa tan sira kongratula ba governu tanba sai ona ezemplu ba membru G⁷+sira seluk.
Adjuntu Sekretaris Geral Habib Ur Rehman informa, nia parte sente kontente iha loron eleisaun Ekipa observadór internasionál liu husi G⁷+ Hamutuk ho observadór nasionál ne’ebé fahe Ekipa lima (5) destaka ba Municipiu Dili, Manatutu no Liquisa.
Nia hateten, Objetivu prinsipál husi g⁷+ nian ba misaun observasaun Eleisaun Mak observa prosesu eleisaun parlamentár iha Timor-Leste hanesan membru g⁷+ hodi asegura oinsá prosesu ne’e la’o ho imparsiál profisionál independente no étika.
Misaun observasaun ne’e mos hanesan dalan Ida hodi kontribui ba hasa’e kualidade demokrasia, hametin Paz no Dezemvolvemento iha Timor-Leste.
“Ami kontente no kongratula ba Governu Timor-Leste tanba ami nia observasaun kona-ba eleisaun parlamentár iha Timor-Leste la’o di’ak tebes, Ami mós Sei halo misaun ne’e iha Guinea Bissau, Sierra Leoa, Laberya no mós iha nasaun membru g⁷+ Sira seluk ne’ebé sei halo eleisaun iha futuru,” dehan Habib ba jornalista liu husi Komferensia Imprensa iha Palasiu Governu Dili, 24/05/2023.
Nune’e mós Lerry Fangawa husi Komisaun Nasional Eleisaoes Sierra leao haktuir, husi observasaun ne’ebé mak sira halo iha buat barak la’o la tuir dalan maibé konsege rezolvidu.
“Pontus primeiru prosesu hotu husi eleisaun ne’ebé hala’o iha Timor-Leste én jerál la’o ho di’ak no la’o ho Paz,” nia relata.
Lerry haktuir, pás no estabilidade ne’e importante tebes atu bele asegura iha ambiente ida ne’ebé fó oportunidade ba partisipasaun husi komunidade bele barak no bele mai Partesipa iha Sentru votasaun hodi fó Sira nia votus.
“Pontus Segundu ami mós nota katak, ofisiáis STAE Sira kuaze maioria hatudu Sira nia dedikasaun ne’ebé makas bainhira halo Servisu durante eleisaun tuir prosedimentu regras ne’ebé iha,” nia afirma.
Nia relata, Agora Timor-Leste lidera hela organizasaun g⁷+, eleisaun ne’ebé akontese iha Timor susesu no sai ona lisaun Ida bele inspira membru G⁷+ Sira no mós ba nasaun Sira hanesan Guinea-Bissau no Sira seluk tan.
“G⁷+ agora iha faze ida kritika ba iha demokrasia, Tamba ne’e hato’o ami nia kongratula ba Governu Timor-Leste no ba eleisaun Tinan Ida ne’e nian,” Lerry Fangawa hakotu.
Estajiadu : Zemidonio Martins
Editór : Orlando Magno
