Manufahi,(Tiri-lolo) 15/05/2026 -Iha loron 09 fulan Maiu tinan 2026 ,akontese udan ho intesidade nebe forte hodi hamosu mota bo’ot no sobu ponte alternativu Aldeia Tirilolo, enkuantu ponte ne’e rasik sai hanesan dalan alternativu ba iha aldeia tirilolo, inklui mos Aldeia 4 sira seluk Iha Munisipiu Manu- fahi,Posto Administrativu Same ,Suku Holarua.
Liuhusi intervista Via-telefone Xefe Aldeia Tirilolo Laurentino dos Reis deklara,udan boot ho intensidade forte durante loron ida nune’e maka mota tun makas hodi sae a’as liu ponte no fo amiasa ba komunidade nia atividade loro-loron.
“Akontesimentu Ida ne’e afeita direitamente ba komunidade iha aldeia lima (5) hanesan aldeia Tirilolo,Falitehu ,Rusu ,Blaro no Aldeia Orema ,no ameasa ba estudante,komunidade sira nia atividade loro-loron,komunidade Iha ne’e mos susar tebes atu asesu ba merkadu no servisu sira seluk tamba dalan principal mak ne’e” Hatete Xefe Aldeia Tirilolo husi Via-telefone ba Jornalista Media Mudansa foin lalais nee.
Xefe Aldeia Nee relata,total Uma-kain iha aldeia Tirilolo hamutuk (180) atus Ida walu-nulu no populasaun hamutuk (927) atus sia hitu nulu resin-hitu no maioria Moris ho atividade agrikultura.
“agora enfrenta risku boot ba Transporte produtu agrikola no movimentasaun loron-loron ladiak tamba ponte nee rasik sai amiasa, laos nee deit maibe Estudante no manorin sira atu asesu ba eskola EBF-Orluli mos susar” Nia hatutan
Autoriedade lokal ne’e husu ba Governu no entidade relevante sira atu lalais halo intervensaun direta hodi rehabilita ponte ne’ebe hetan estraga husi Mota, hodi bele fasilita komunidade sira lori produtu lokal ba merkadu inklui mos labarik sira bele asesu ba eskola.
Entretantu tuir informasaun preliminariu iha Munisipiu Manufahi udan nebe ho intensidade forte durante loron (4) hodi hamosu Inundasaun iha kosta sul, hanesan posto administrativu Same, Alas, fatuberlihu. Enkuantu estraga mos komunidade nia hela fatin, plantasaun(to’os) no infrastruktura Públika sira.
Ekipa Kobertura Mídia Mudansa
