Díli – Câmara de Comércio e Indústria de Timor-Leste (sigla- CCI-TL) realiza eventu signifikativu rua iha kapitál Dili, ne’ebé kobre ba kooperasaun internasionál no hametin seguransa alimentár nasionál. Eventu ne’e konta ho partisipasaun husi lideransa Japaun nian no Primeiru-Ministru Xanana Gusmão.
Tuir Prezidente Câmara de Comércio e Indústria de Timor-Leste (CCI-TL), Jorge Manuel Serrano, hatete katak, fo’os ho marka “Mana Bot” sei produz iha Timor-Leste, tuir lansamentu ofisiál ne’ebé realiza ona husi Primeiru-Ministru Xanana Gusmão.
“Projetu ne’e hatudu kapasidade nasaun nian atu halo produsaun lokal iha eskala boot, liu-liu iha setor agrikultura ne’ebé importante ba seguransa alimentár”, dehan Prezidente Câmara de Comércio e Indústria de Timor-Leste (CCI-TL), Jorge Manuel Serrano iha CCI-TL, 30/04/2026.
Prezidente CCI-TL sublinha katak implementasaun projetu fo’os “Mana Bot” presiza apoiu husi ministériu relevante, liu-liu Ministério da Agricultura, Pecuária, Pescas e Florestas, atu garante sustentabilidade no kontinuidade produsaun.
“Apoiu ne’e inklui fornesimentu insumu agrikultura hanesan adubu, asisténsia téknika no akompañamentu ba agrikultór sira iha terreñu”,
“CCI-TL hein katak ho koordenasaun entre governu no setor privadu, projetu “Mana Bot” bele kontribui atu hasa’e produsaun nasional, hamenus dependénsia ba importasaun no fó benefísiu ekonomiku ba komunidade lokal sira”, Presidente afirma.
Presidente mós hatutantan katak, fortalese Relasaun Bilaterál Timor-Leste no Japaun Iha biban ne’ebé hanesan, CCI-TL simu vizita husi Prezidente Japaun ho objetivu atu hametin relasaun ekonómika entre nasaun rua ne’e. Iha nia diskursu, Prezidente Japaun reafirka kometimentu Governu Japaun nian atu kontinua apoiu Timor-Leste iha setór estratéjiku sira hanesan ekonomia, edukasaun, no infraestrutura.
“Nu’udar marka istórika ba produsaun nasionál, CCI-TL ofisialmente lansa ona projetu produsaun fo’os ho marka “Mana Boot”. Lansamentu ne’e hetan apresiasaun maka’as husi Primeiru-Ministru Xanana Gusmão, ne’ebé marka prezensa direta iha fatin akontesimentu,” dehan presidente
Prezidente CCI-TL, esplika katak maske Timor-Leste hatudu ona kapasidade atu prodús fo’os iha eskala boot, maibé sustentaibilidade projetu ne’e depende ba koordenasaun di’ak ho Ministériu Agrikultura, Pekuária, Peska no Floresta.
“Ita presiza apoiu tékniku, fini, adubu, no mós akompañamentu ba agrikultór sira iha terrenu hodi garante katak fo’os ‘Mana Boot’ bele kontinua iha merkadu,” tenik Presidente CCI-TL.
CCI-TL mós husu ba Ministériu relevante sira atu, Fasilita importasaun ba insumu agrikultura (fini no adubu), Suporta hahan orgániku ba animál hodi dezenvolve setór pekuária, Aumenta kapasidade agrikultór lokál sira liuhusi abordajen kolaborativu.
“liuhusi kolaborasaun metin entre Governu no setór privadu mak Timor-Leste bele hametin ninia ekonomia no garante netik ai-han ba povu iha futuru”. Nia Hakotu
Lideransa husi Japaun ne’e mós fó korajen ba emprezáriu Japaun sira atu esplora oportunidade investimentu iha Timor-Leste, liuliu iha setór turizmu, komérsiu, no indústria ki’ik. CCI-TL konsidera vizita ne’e hanesan oportunidade boot ida atu dudu dezenvolvimentu setór privadu iha rai-laran.
Jornalista Estajiaria : Domingas da Costa / Carin Camões
Editór : Francisco Pereira
