(Dili), Mudansa- Ministeriu Edukasaun Juventude no Desportu (MEJD) loke abertura ba projetu formasaun ba professór sira, hanorin iha historia liu-liu istoria relasiona ho prosesu no hariii dame no rekonsiliasaun iha mundu liu-liu iha Timor-Leste
Lansamentu projetu ne’e apoiu husi governu Koreia do Súl ho projetu ida ne’e hala’o ho koperasaun husi Ministeriu Edukasaun hamutuk ho UNESKU no mós koperasaun husi Centru Nacional Chega ho Nacôes Unidas
Nia akresenta, Inisiativa husi projetu ne’e mak atu hasa’e kontabilidade no kapasidade nasionál hodi hariii Timor-Leste ninia futuru ne’ebé di’ak iha area dame ,justisa no prosperidade atu nune’e bele kontribui ba rekonsiliasaun dame no konflitu.
“Projetu ne’e importante tamba edukasaun ba historia ne’e relasiona ho ita nia identidade ita ne’e se, ita ne’e mai husi ne’ebé no ita atu ba ne’ebé maibé atu hanorin historia, liu-liu harii dame no rekonsiliasaun ida ne’e importante teb-tebes, istoria harii dame no rekonsiliasaun ne’e istoria ba terseiru siklu no mós ba ensinu sekundariu ,”dehan Ministu Edukasaun Armindo Maia ba jornalista sira iha Hotel novu Turismu tersa foin lalais ne’e
Agora daudaun formasaun hela no hirak ne’ebé hetan formasaun ne’e depios sei ba forma fila fali professór sira seluk, no professoór sira ne’ebé mak daudaun ne’e tuir formsasun hamutuk nain 30.
Inisiativa ne’e mai husi Ministeriu Edukasaun ho Centro Nacional chega ne’ebé mak hetan apoiu husi UNESKU, no orsamnetu mai husi KOICA ho montante Rihun Lima($.5.000.00)
Entretantu Sr. Roy Trivedi, hanesan kordenador rezidente Nacoens Unidas ba Timor-Leste ,hatete, nia senti urgullu tebes, bele hola parte iha sorumutu importante kona ba istoria edukasaun harii dame no rekonsiliasaun iha Timor-Leste .
“Hau haksolok tebes bele hola parte iha sorumutu importante ida ne’e ho nune’e rekonsiliasaun dame no edukasaun barak mak bele komprende ona atu fornese edukasaun inkluzivu no fo kualidade ba ita nia oan no foinsae sira,” dehan Kordenador rezidente nacoens unidas Sr.Roy
Nia afirma, edukasaun hanesan direitu umanu kontinentál ida no individu sira atu dudu dezenvolvimentu sustentavél no atu harii dame no rekonsiliasaun iha Timor-Leste.
Jornalista: Domingas Viana
Editór : Felisberto F. da Costa
