(Díli) Manleuana -Negosiante Marciana Justina Boavida husi Munisípiu Baucau,Postu Baucau Vila,Suku Tirilolo, fatin ne’ebé mak governo kria la merese ba vededores sira iha merkadu manleu atu hala’o aktividade hanesan baibain, negosiante sira mós prontu kopera ho governu maibé governu tenki kria fatin seguru ba sira hodi halo negosiu.
“Ha’u halo negosiu ne’e tamba kabun lakoi atu hamlaha ne’e mak halo negosiu kona ba produtu lokal sira ne’e maibé, ho negosiu agora tempu uluk ne’e la hanesan no tempu agora indonesia nian ne’e halo negosiu halo ita konfortavel lo’os no mai fali ita independensia ne’e ita halo negosiu ki’ik sira senti la dun di’ak, tamba ita la dun aproveita di’ak tamba tempu uluk ne’e ita fa’an iha fatin ida no agora ne governu duni ita tun sa’e de’it no ami kopera ho governo mak ami muda fatin ne’e, maibé governo hatudu fatin ne’ebé mak ami atu halo ami nia negosiu ne’e fatin la iha kompradores, rai rahun barak no loron manas laran de’it”, dehan negosiante Marciana Justina Boavida ba jornalista Media Mudansa iha merkadu manleuana, sesta, 18/07/2025.
Negosiante ne’e informa, halo negosiu ida tempu uluk ne’e sira fa’an sasan ne’e ema kompra to’o $3.000.00 dolares amerikanus ou $4.000.00 dolares amerikanus maibé tempu ukun a’an tiha fa’an sasan tur to’o loron ida ne’e ema kompra la to’o $5 dolares amerikanus.
Aliende ne’e mós nia dehan, governo la prepara fatin maksimu ba sira ne’e mak governo duni sai sira husi fatin refere no fatin ne’e la konfortavel ba sira hodi halo negosiu no loron manas laran de’it rai rahun mós barak no fatin ne’e mós la iha higene ba sira nia saúde.
“Enkuantu ida ne’e ami halo negosiu iha fatin kampung baru maibé governo suta sai ami husi fatin refere entaun sira haruka ami mai fa’an iha merkadu manleu iha terminal nian ne’e, maibé ema nunka iha para atu kompra ami nia sasan hirak ne’ebé ami fa’an ne’e depois governo lakoi prepara fatin didi’ak mak hodi duni ami husi fatin ne’e no fatin ne’ebé mak ema barak mak konsentra, maibé ne’e governo nian tiha ona governo dudu ami mai iha fatin ne’ebé mak la dun konfortavel rai rahun mós barak no dudu ami mai ema ida la iha atu kompra ami nia produtu lokal sira ne’e”, nia afirma
Nia hatutun, difuldade ne’ebé mak negosiante sira hasoru mak la iha kompradores sira hodi kompra nia sasan, tanba fatin iha liu teminal merkadu manleu nia laran ne’ebé menus hsui kompradores sira, no sasan sira ne’ebé fa’an dader to’o fali loraik ne’e mak kompradores sira la iha atu sosa, entaun soe tiha de’it ba sampah no estraga de’it,
“Iha dezafius ne’ebé ami hasoru lor-loron iha negosiu nian mak ema la iha atu kompra sasan sira ne’e, tamba fatin mós tama mai laran liu no difikuldade bo’ot liu mak bainhira redimentu menus liu no la hetan tauk kabun mamuk hamlaha no sasan sira ne’ebé ami fa’an dader to’o loraik ne’e ema nunka sosa liu, entaun estraga no ami soe tiha de’it ba lixu laran, no mós rekomenda ba governo ami tuir governo sira nia hakarak no ami mós kolabora hamutuk ho governo hodi muda ami tun sae, maibe governo mós tenki kria fatin seguru ba ami vededores sira la bele soe iha rahun no loron manas laran”, hakotu nia
Estajiada: Maya Luanda
Edotora: Gaudencia Belo
