(Aileu)-Kampu Sabaraka Laran-Relasiona ho komemorasaun loron restaurasaun independenaia Timor-Leste ba dala rua mulu resin-Tolu (23) loron 20 Fulan Maio tinan 2025, Iha munisipiu Aileu Presidente Autoriedade ne’e husu ba joven sira Iha munisipiu aileu atu mantein paz no dezevolvimentu Iha munisipiu hodi hatudu no sai exemplu ba munisipiu sira seluk.
Iha diskursu Presidente Autoriedade Munisipiu Aileu (sigla-PAM Aileu) João Bosco do Santos hateten, Timor Leste tama ona ba tinan 23 inklui mos munisipiu aileu, tambe nee nia husu ba aileu oan liuliu ba joven sira atu labele rai odiu ba malu bebeik maibe tenki Kria paz no dezevolvimentu Iha munisipiu aileu rasik.
” ita presija kopera no fó liman ba malu, laos atu selok malu, no odiu malu bebeik tamba hau nia ukun atu tama ona ba tinan lima(5) maka ita selok malu bebeik sei la hetan nia resultadu neebe mak diak Iha futuru oin mai, guverno ida hamrik ita hotu hamutuk fo liman ba malu atu dezenvolve ita nia rai Aileu ida ne’e, ita nia setor barak maibe atu hare liu ba setor importante sira hanesan agrikultura, edukasaun, saude no obras publiku ” Hateten PAM-Aileu Iha diskursu, Sabaraka Laran Aileu, loron 20/05/2025.
Nia haktuir katak, setor edukasaun tenke diak tamba guverno tau osan ba programa merenda eskolar sira atu nune’e Iha futuru labarik sira sai matenek hodi bele ukun kontinua rai ida ne’e, nune’e mos politika Governu da-sia (9) tau importansia ba manorin sira, tamba ne’e husu ba profesores atu mantein nafatin disciplina atu hanorin estudante ho diak.
” ita hakarak ba futuru ita nia oan sira sai matenek hodi sira bele ukun rai ida ne’e, ohin loron politika Governu tau importante ba profesores sira no Ha’u husu ba Profesores sira tenke aktivu disiplina no hanorin lolos, no mos estudante sira mos tenke disiplina”nia deklara
Aliende ne’e, liga ba infrestrutura hanesan estrada no be’e guverno kria kondisaun maibe laos buat hotu-hotu guverno maka halo maibe nafatin husu ba Autoriedade lokal sira Seloi Malere ho suku Aisirimou katak projetu programa Nasional Dezevolvimentu Suku (PNDS) permanente iha suku sira tamba nee nafatin halo koneksaun hodi bele Kria ka mantein projetu sira ho kualidade diak.
“kolaborasaun no unidu foliman ba malu no husu Autoridade lokal sira nia odamatan matan loke iha 24 horas nia laran, no tau buat pesoal individual tau iha kotuk, sei ita hakarak koalia aileu ba iha Autoridade nia matan ne’e mak dehan ema aileu, Autoridade ukun povu laos ukun partidu” Nia reforsa
Entretantu Presidente Autoriedade ne’e husu ba joven aileu sira tenke halo diak no hatudu ba munisipiu seluk katak aileu mos bele no liliu ba joven sira nebe inklina a’an Iha arte marsiais no arte rituais sira labele atu sobu malu no odiu malu maibe tenki hmutuk kria paz no dezevolvimentu Iha munisipiu aileu no hatudu ba munisipiu 12 sira seluk, enkuantu munisipiu Aileu kompostu husi Posto Administrativu Hat (4) hanesan Posto Aileu vila, Laulara,Liquidoe no Remixio.
Jornalista. : Rogerio Anuno
Editor. :Manuel Andrade
