Osaka, Japaun – 7 Marsu 2026 – Voluntáriu liu 150 partisipa iha atividade limpeza ambientál iha distritu Namba no Dotonbori, iha sidade Osaka, hodi marka realizasaun atividade voluntáriu ba dala 100. Inisiativa ida-ne’e organiza hosi International Peace Youth Group (IPYG) ho apoiu hosi ramu lokal Heavenly Culture, World Peace, Restoration of Light (HWPL) Kobe.
Portavoz informa katak, atividade ne’e realiza, ho objetivu atu hadia limpeza ambientál no reforsa partisipasaun juventude iha servisu komunidade. Desde inisiativa ne’e hahú iha Jullu 2022, organizadór sira realiza operasaun limpeza dala rua iha kada fulan, to’o agora konsege atinji ona atividade ba dala 100 iha menus husi tinan haat.
“Heavenly Culture, World Peace, Restoration of Light (HWPL) mak organizasaun internasionál ida ne’ebé promove dame no kooperasaun global, no iha estatutu konsultivu espesial iha United Nations Economic and Social Council (ECOSOC). Liuhosi nia organizasaun afiliadu, International Peace Youth Group, jovem sira mobiliza hodi promove kultura dame, servisu voluntáriu no asaun sosial iha komunidade sira”. Dehan Portavoz iha Estasaun Namba no Dotonbori foin lalai ne’e.
Portavoz hatutan, Aleinde hamos dalan no fatin públiku sira, atividade ne’e mós responde ba dezafiu sosial iha Japaun relasiona ho limitasaun fatin lixu públiku. Medida ne’e hahú liu tiha Tokyo subway sarin attack iha tinan 1995, ne’ebé halo governu hamenus númeru lixeiru públiku sira ba razaun seguransa. Situasaun ida-ne’e kontribui ba problema hanesan soe lixu ilegál iha área urbana balun.
“Deopois liu tiha marcu atividade ba dala 100, planu tuir mai mak habelar kooperasaun ho governu lokal inklui administrasaun sidade Osaka, atu promove voluntarizmu lidera hosi juventude nu’udar modelu asaun sivika iha komunidade rejionál”. Dehan nia
Iha sorin seluk membru IPYG, hatete katak inisiativa ne’e la’ós deit ba limpeza ambientál, maibé mós atu haburas relasaun entre juventude no komunidade lokál. Atividade ne’e mós sai plataforma ida ba jovem sira atu halo interasaun, haburas komunikasaun no aumenta sentidu responsabilidade sosial.
Tuir partisipante Nohara, hatutan katak iha tempu uluk partisipasaun seidauk boot, maibé liuhosi esforsu kontinua agora voluntáriu barak konsege hamutuk hodi kontribui ba komunidade. Aliende haree ba área públiku sira sai mós fó sentidu orgullu ba voluntáriu sira.
Entretantu Rezidente lokal sira mos fó apresiasaun ba inisiativa ne’e, katak partisipasaun juventude durante tinan barak iha atividade limpeza fó esperansa foun ba komunidade iha Osaka.
Fonte: Komunikadu imprensa Heavenly Culture, World Peace, Restoration of Light.
