(Díli) Vila Verde – Asosiacão Ramelau Moris Domin Timor-Lest(Sigla Português -AROMD-TL) hanesan asosiasaun no Centru Formasaun ne’ebe fó formasaun ba joven sira iha Area saúde, lian Koreia no Japaun total husi formandu hamutuk 200 (atus rua) resin iha edifisiu AROMD-TL Vila-Verde.
Tuir Diretor Executivu Asosiacão Ramelau Moris Domin Timor-Lest(Sigla Português -AROMD-TL) Gaspar da Gosta Paiseco hatete, Objektivu husi seminar ne’e hodi koresponde ba problema Malnutrisaun ne’ebe tuir dadaus sa’e makas iha nasaun Timor-Leste, no iha mos fator importante ida ne’ebe sentru formasaun ne’e halao maka kapasitasaun ba koñesimentu, hodi bele Prepara no responde ba problema malunutrisaun iha Timor-Leste.
“AROMD-TL nia Programa foka liu ba iha Setór Saúde ninian mak hanesan eduksaun Saúde mak ami hala’o nomos agora da-daun AROMD-TL Kopera ho Saúde Munisipiu Díli no Ministru Saúde hodi hala’o Programa Saúde nian iha Timor-Leste, ne’e Programa hanesan Seminar ami halo iha Dili liu-liu Munisipiu sira, Programa Saúde nian ne’ebe mak AROMD-TL halo Primeiru ita hare iha edukasaun Saúde mak AROMD-TL Fo formasaun ba iha Foin Sa’e sira Liu husi Parteira, Farmasia, Enfarmagen ho Programa seluk ne’ebe mak iha, no ita loke ona iha Munisipiu Aileu hahu kedas iha 2019 mai to 2025 ho Objektivu, iha Vantagen ida ne’ebe mak ami hakarak halo diak ba maluk Joven, tanba Joventude mak sai autor ida iha familia atu Transforma ba moris di’ak, Vantagen mak ne’e ami Presiza hasa’e sira nia koñesimentu li-liu iha area hanesan Prepara Ai-han ba familia sira nomos, Oinsa tau iha Pratika loron-loron hodi Responde ba Familia ne’ebe tenki moris Saúdavel ho Oan sira.”dehan Dirketur Gaspar da Gosta Paiseco ba Jornalista sira iha salaun AROMD-TL Vila-Verde, foin lalais ne’e.
Nia hatuan estudante sira ne’ebe hala’o hela Kursu iha area Saúde nian ho total hamutuk (atus ida ruan ulu resin-lima)125, no AROMD-TL mos Prepara materia ba formandu sira liga ho estudu ne’eb sira foti, enkuantu materia ne’ebe sei foka ne’ebe sira koalia konaba Prevensaun moras Denqe.
“ ami iha espektiva ne’ebe atu motiva ba Joven sira mak tenki hanoin di’ak halo di’ak iha loron ida sei fila ba o di’ak iha o nia familia no Komunidade, karik ita sai ema Promotora no konsumu ona Informasaun de Saúde fila ba uma tenki mantein asaun ne’ebe mak saúdavel iha familia nia laran labele so’e foer arbiru no hamos Be-beik area dores uma nian atu nune’e Susuk labele Ezisti Moris iha ita nia le’et. AROMD-TL Loke ona Formasaun ba Departementu hanesan Enfarmagen,Laboratorium Parteira nomos Departementu Nutrisaun, iha Departementu Nutrisaun” nia salienta
Entretantu total husi rekursu ne’ebe durante ne’e Asosiacão Ramelau Moris Domin Timor-Lest(Sigla Português -AROMD-TL) produz hamutul (hat nulu resin-lima) 45 kompostu husi kursu etapa dahuluk no etapa daruak nian, enkuantu agora dadaun asosiasaun refere sei fó hela Pratika ba formandu sira no tuir orario ne’ebe sei desloka formandu sira ba estajiu iha sentru saúde sira iha munisipiu Díli, formandu sira ne’e kompostu husi kursu ho departamentu hanesan Enfermagen, Laboratorium, Parteira, Nutrisaun inklui mos ho kursu lian Japaun no Koreia.
Jornalista : Inácio Silva
Editor :Sandi Bello